মার্ক 2:17 - Chakma Bible

¹⁷ এ কধাগান্ শুনিনে যীশু সেই ধর্ম-মাষ্টরুনোরে কলঅ, “গম্ মানুচ্চুনোত্তে ডাক্তরর্ দরকার নেই বরং পীড়েল্যেগুনোত্তে দরকার্ আঘে। মুই ধার্মিক্‌‌কুনোরে ডাগিবাত্তে ন-এজং বরং পাপীগুনোরে ডাগিবাত্তে এচ্চ্যং।”

মার্ক 2:17 ပူးပေါင်းရင်းမြစ်များ

যিশাইয় 1:18

লগেপ্রভু আরঅ কোইয়্যেদে, “ইক্কিনে এজঅ, আমি বুঝোপাড়া গুরিই। যুনিয়ো তমার্ বেক্ পাপ্পানি দোক্ দোক্ক্যে রাঙা ওইয়্যে তো সিয়েনি বরফ ধোক্ক্যেন ধুব্ অবঅ; যুনিয়ো সিয়েনি রাঙা রঙর্ ওইয়্যে তো সিয়েনি ভেড়া কেশ ধোক্ক্যেন্ ধুব্ অবঅ।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 15:29

তে তা বাবরে কলঅ, চাহ্, এদক্ বজর্ ধুরিনে মুই তরে সেবা-যত্তন্ গুরি এজঙর্; একবার্-অ মুই তর্ অবাধ্য ন-অং। তো মঅ সমাজ্যেগুনো সমারে ফুত্তি গুরিবাত্যে তুই কনদিন্অ মরে ছাগলর্ এক্কো ছয়ো ন-দুয়োচ্।

লূকে লেখ্যে গম্ হবর্ 15:7

একই সময়োত্, মুই তরে কঙর্, ঠিগ্ সেবাবোত্যেগুরি যিগুনে পাপত্তুন্ মনানি ফিরেবার্ দরকার্ মনে ন-গরন্ সেবাবোত্যেগুরি নিরেনব্বইজন ধার্মিক্ মান্‌জ্যত্তুন্ বরং এক্কো পাপী পাপত্তুন্ মনান্ ফিরেলে স্বর্গত্ আরঅ বেশ্ হুজি অয়।

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।

যোহন 9:40

কয়েক্কো ফরীশীয়ো যীশু সমারে এলাক্। তারা এ কধাগান্ শুনিনে যীশুরে কলাক্, “সালে তুই কি কবাত্তে চাজ্ যে, আমি কানা?”

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।