মার্ক 16:9 - Chakma Bible

⁹ সাপ্তার্ পত্তম দিনোত্ বেন্যে মাদান্ যীশু মরাত্তুন্ জেদা ওই উদিলো। পরেদি তে মগ্‌দলীনী মরিয়মরে পত্তমে দেগা দিলো। এ মরিয়ম ভিদিরেত্তুন্ তে সাত্তো ভুদ্ ধাবেই দিয়্যে।

মার্ক 16:9 ပူးပေါင်းရင်းမြစ်များ

২ রাজাবলী 5:4

ইস্রায়েলত্তুন্‌ আন্যে সে মিলেবো যিয়েনি কোইয়্যে সিয়েনি নামানে যেইনে তা গিরোজ্‌সো ইদু কলগোই।

মথি লেখ্যে গম্ হবর্ 27:56

তারা ভিদিরে এলাক্ মগ্‌দলীনী মরিয়ম, যাকোব আর যোষেফ মাবো মরিয়ম আর সিবদিয়র পুয়ো যাকোব আর যোহন মা।

মার্ক 15:40

কয়েক্কো মিলে দূরোত্ থিয়্যেইনে ইয়েনি বেক্কানি দেগদন্। তারা ভিদিরে এলাক্ মগ্‌দলীনী মরিয়ম, দ্বিবে যাকোব ভিদিরে চিগোন্ যাকোব আহ্ যোষেফ মাবো মরিয়ম আর শালোমী।

মার্ক 15:47

মগ্‌দলীনী মরিয়ম আর যোষেফর মা মরিয়মে রিনি চেই আঘন্ আর যীশুর কিয়্যেগান কন্ জাগানত্ সিয়েন দেগিলাক্।

মার্ক 16:8

সেই মিলেগুনে কিচ্চু বুঝি ন-পারিনে গির্‌গিরেদে গির্‌গিরেদে গোর গাঢতোত্তুন্ নিগিলি এলাক্ আর সিয়েনত্তুন্ ধেই গেলাক্। তারা এদক্ দোরেয়োন্ যে, কাররে কিচ্চু ন-কলাক্।

লূকে লেখ্যে গম্ হবর্ 24:10

সেই মিলেগুনো ভিদিরে এলাক্ মগ্‌দলীনী মরিয়মে, যোহানা আর যাকোবর্ মা মরিয়ম। তারা সমারে আর অন্য যে মিলেগুন এলাক্ তারায়ো এ বেক্‌ কধানি প্রচারগ্‌‍কুনো ইধু কলাক্।

যোহন 20:12

যীশুর্ কিয়্যেগান্ যিয়েনত্ পোজ্যে এলঅ সিয়েনত্ ধুব্ কাবড় উজ্যে দ্বিজন্ স্বর্গদূত্ বৈই আঘন্-এক্কো মাধাবো ইন্দি আর এক্কো ঠেঙদি।

প্রেরিত্‌ 20:7

সাপ্তার্ পত্তম্ দিনোত্ প্রভুর্ ভোজ্ গুরিবাত্তে আমি একসমারে এগত্তর্ অলং। সেক্কে পৌলে মানুচ্চুনো ইধু ফগদাং গরা ধুরিলো। তার্ কেল্যে তার্ যেবার্ কধা এলঅ বিলি তে রেদ্ সংভাগ্ সং কধা কনাত্ থেলঅ।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।