মার্ক 16:20 - Chakma Bible

²⁰ পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

মার্ক 16:20 ပူးပေါင်းရင်းမြစ်များ

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

লূকে লেখ্যে গম্ হবর্ 1:1

কোচ্‌পেইয়্যে থিয়ফিল, আমা ভিদিরে যেদক্কানি ঘটনা ঘোট্যে সিয়েনি যিগুনে পৌইল্যাত্তুন্ ধুরি নিজো চোগেদি দেখ্যন্ আর গোজেনর গম্ হবর্ ফগদাং গোজ্যন্, তারা আমা ইধু বেক্কানি জানেয়োন্, আর তারা কধামজিম্ ভালোক্কুনে সিয়েনি পৌইদ্যেনে পর্‌পর্ লেখ্যন্।

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

প্রেরিত্‌ 5:12

প্রচারক্কুনে মানুচ্চুনো ইধু বোউত্ আমক্ অবার কাম আর চিহ্নো-কাম গুরিদাক্; আর বিশ্বেজিগুনে বেক্কুনে উবোসনা-ঘরর্ শলোমন বারান্দাত্ একসমারে এগত্তর্ অদাক্।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।