মার্ক 16:19 - Chakma Bible

¹⁹ শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

মার্ক 16:19 ပူးပေါင်းရင်းမြစ်များ

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

লূকে লেখ্যে গম্ হবর্ 22:69

মাত্তর্ মান্‌জ্যপুয়োবো ইক্কেত্তুন্ ধুরি বেগত্তুন্ খেমতাবলা গোজেনর্ ডেনেদি বৈই থেবঅ।”

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 16:28

ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 17:13

ইক্কিনে মুই তঅ ইধু এজঙর্, আর মর্ হুজীয়ে যেন তারার্ মনানি ভুরি যায় সেনত্তে জগদত্ থাগদে এই বেক্ কধানি কঙর্।

যোহন 20:17

যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

যোহন 21:15

তারার্ হানা থুম্ অলে পরেদি যীশু শিমোন-পিতররে কলঅ, “যোহনর্ পুয়ো শিমোন, ইগুনোত্তুন্-অ কি তুই মরে বেশ্ কোচ্‌পাচ্?” শিমোন-পিতরে তারে কলঅ, “অয়, প্রভু, তুই হবর্ পাজ্ তুই মর্ কদক্ পরাণর্।” যীশু তারে কলঅ, “মর্ চিগোন-ভেড়া ছগুনোরে চরা।”

যোহন 21:22

যীশু পিতররে কলঅ, “মুই যুনি চাং ইতে মর্ ফিরি ন-এজানা সং থায়, সিয়েনত্ তর্ কি? তুই মঅ লগে আয়।”

যোহন 6:62

সালে মান্‌জ্যপুয়োবো আগেদি যিধু এলঅ তারে সিধু উদি যাদে দেগিলে তুমি কি কবা?

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 3:21

গোজেনে বেক্কানি যে আরঅ আগ অবস্থায় ফিরেই আনিবো সিয়েন ভালোক্ দিন আগে পবিত্র ভাববাদীগুনোর মাধ্যমে কোইয়্যে। তে যেদ্ক্ দিন সং তার সে কধাগান্ ন-পুরোই সেদক্ দিন সং যীশুত্তুন্ স্বর্গত্ থাহ্ পরিবো।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

কলসীয় 3:1

সালে তুমি যেক্কে খ্রীষ্ট সমারে মরণত্তুন্ জেদা ওইয়ো সেক্কে খ্রীষ্ট স্বর্গত যিয়েনত্ গোজেনর্ ডেন্ ডাগেদি বৈই আঘে সেই স্বর্গীয় বেপারানিত্যে আয়োজি অ।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 8:1

আমি যিয়েন কোর্ সিয়েনর আজল্ কধাগান অলঅ ইয়েন, আমার এমন্‌ এক্কো দাঙর্ ধর্মগুরু আঘে যিবে স্বর্গত্ দাঙর্ গোজেন সিংহাসনর্ ডেন্ ধাগেদি বৈচ্চ্যে।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।