মার্ক 16:17 - Chakma Bible

¹⁷ যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্,

মার্ক 16:17 ပူးပေါင်းရင်းမြစ်များ

মার্ক 9:38

যোহন যীশুরে কলঅ, “মাষ্টরবাবু, আমি এক্কো মান্‌‌‍জ্যরে তঅ নাঙে ভান্ন্যেই আত্মা ধাবাদে দেগিনে তারে মানা গুরিলোং, কিয়া তে আমা দলর্ মানুচ্ নয়।”

লূকে লেখ্যে গম্ হবর্ 10:17

সেই সত্তুর্‌‌জন শিচ্চ্য হুজিয়ে ফিরি এইনে কলাক্, “প্রভু, তঅ নাঙান্ ধুরিনে কলে ভান্ন্যেই আত্মাগুনেয়ো আমা কধা শুনোন্।”

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

প্রেরিত্‌ 10:46

তারা সিয়েন বুঝিলাক্ কিয়া এ অযিহূদীগুনোরে তারা নানান্ ভাষায় কধা কদে আর গোজেনরে বাঈনী গত্তে শুনিলাক্। সেক্কে পিতরে কলঅ,

প্রেরিত্‌ 16:18

তে ভালোক্ দিন সং এবাবোত্যে গুরিলো। যেরেদি পৌলে এদ্ক্ তোচ্চ্যে পেলঅ যে, তে পিজেদি ফিরিনে সেই ভান্ন্যেই আত্মাবোরে কলঅ, “যীশু খ্রীষ্টর্ নাঙে মুই তরে উগুম দুয়োঙর্, এ মিলেবো ভিদিরেত্তুন্ নিগিলি যাহ্।” আর সেক্কে সেই আত্মাবো নিগিলি গেলঅ।

প্রেরিত্‌ 19:6

সেক্কে পৌলে তারা উগুরে আঢ্‌‌তানি থলে পরেদি তারা উগুরে পবিত্র আত্মাগান্ এলঅ, আর তারা নানান্ ভাষায় কধা কুয়ো ধুরিলাক্ আর ভাববাদী ইজেবে গোজেনর্ কধা কুয়ো ধুরিলাক্।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 5:16

যিরূশালেম কায়কুরে আদামত্তুন্ বোউত্ মান্‌জ্যে তারার্ পিড়েল্ল্যেগুনোরে আর ভান্ন্যেই আত্মা আদত্ দুঘ্-পেইয়্যে মানুচ্চুনোরে আনিনে ভিড় গরা ধুরিলাক্, আর তারা বেক্কুনে গম্ অলাক্।

প্রেরিত্‌ 8:7

ভালোক্ জন ভিদিরেত্তুন্ ভান্ন্যেই আত্মাবো রঅ ছাড়িনে নিগিলি গেলঅ আর ভালোক্কুন্ বেশৎ রুগি আর লেং গম্ অলাক্।

১ করিন্হীয় 12:28

গোজেনে মন্ডলীত্ পত্তম প্রচারক, দ্বি-লম্বরত ভাববাদী; তিন-লম্বরত্ মাষ্টর্ ইজেবে নেযেয়্যে। সে পরেদি এই বেক্ মানুচ্চুনোরে নেযা ওইয়্যে-যিগুনে আমক্ কাম গুরিবার খেমতা পেইয়োন, যিগুনে পীড়ে গম্ গুরিবার খেমতা পেইয়োন, যিগুনে সাহায্য গুরিবার খেমতা পেইয়োন, যিগুনে পরিচালনা গুরিবার খেমতা পেইয়োন, আর যিগুনে নানান্ ভাষা কবার খেমতা পেইয়োন। বেক্কুনে কি প্রচারক্?

১ করিন্হীয় 12:30

বেক্কুনোর্ কি পীড়ে গম গুরিবার্ খেমতা আঘে? বেক্কুনে কি নানান্ ভাষায় কধা কন্? বেক্কুনে কি সিয়েনির অত্তগান বুঝেই দুয়োন্? খামাক্কায় নয়!

১ করিন্হীয় 13:1

মুই যুনি মান্‌জ্যর আর স্বর্গদূত্‌‌তুনোর্ ভাষায় কধা কং মাত্তর্ ম-ইধু কোচ্‌পানা ন-থায়, সালে মুই বেশ গুরি বাজেয়্যে ঘন্টা বা ঝন্‌‌‌ঝন্‌ গোজ্জ্যে তাল ধোক্ক্যেন ওইয়োং।

১ করিন্হীয় 14:2

অন্য কনঅ ভাষায় যে মানুচ্চো কধা কয় তে মান্‌জ্য ইধু কধা ন-কয় মাত্তর্ গোজেন ইধু কধা কয়, কিয়া কেঅ সিয়েন বুঝি ন-পারন্। তে আত্মালোই গুমুরো সত্যর্ কধা কয়।