মার্ক 16:16 - Chakma Bible

¹⁶ যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

মার্ক 16:16 ပူးပေါင်းရင်းမြစ်များ

মথি লেখ্যে গম্ হবর্ 28:19

ইয়েনত্তে তুমি যেইনে বেক্ জাদ মানুচ্চুনোরে মর্ শিচ্চ্য বানঅ। বাব্‌‌‌পো, পুয়োবো আর পবিত্র আত্মার্ নাঙে তারারে বাপ্তিস্ম দুয়ো।

মার্ক 1:15

“সময় ওইয়্যে, গোজেন রেজ্যগান্ কায়-কুরে লুম্মেগি। তুমি পাপত্তুন্ মনানি ফিরো আর এ গম্ হবরান্ বিশ্বেজ্ গরঅ ।”

লূকে লেখ্যে গম্ হবর্ 8:12

পধ পাজারাত্ পোজ্যে বীজ্‌চুনো মাধ্যমে তারা পৌইদ্যেনে কুয়ো ওইয়্যে যিগুনে সেই কধানি শুনোন্ ঠিগ্, মাত্তর্ পরেদি শদানে এইনে তারা মনত্তুন্ সিয়েনি তুলি নেযায়। সেক্কে তারা সিয়েন বিশ্বেজ্ গুরি ন-পারন্ বিলি পাপত্তুন্ উদ্ধোর্ ন-পান্।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:29

যীশু তারারে কলঅ, “গোজেনে যিবেরে পাধেয়্যে তা উগুরে বিশ্বেজ্ গরানা অলঅ গোজেনর্ কাম্।”

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

প্রেরিত্‌ 10:43

বেক্‌ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”

প্রেরিত্‌ 13:39

তুমি মোশির রীতি-সুদোম্বোই পাপর্ সাজাত্তুন্ রেহাই ন-পঅ, মাত্তর্ যে কেঅ যীশু উগুরে বিশ্বেজ্ গরে তে পাপর্ সাজাত্তুন্ রেহাই পায়।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

রোমীয় 3:6

গোজেনে যুনি অন্যেয় গরে সালে তে কেধোক্ক্যেন্ গুরি মান্‌‌জ্যর্ বিচের্ গরে?

রোমীয় 4:24

আমারেয়ো তাক্ গুরিনে লেগা ওইয়্যে। আমা বিশ্বেজত্তে গোজেনে আমারেয়ো নিদ্দুজি বিলি ধুরিবো, কারন যিবে আমা প্রভু যীশুরে মরণত্তুন্ জেদা গোজ্জ্যে আমি তা উগুরে বিশ্বেজ্ গুরিই।

২ থিষলনীকীয় 2:12

যিগুনে সত্যত্ বিশ্বেজ্ ন-গুরিনে অন্যেয় কামত্ হুজি ওইয়োন তারারে বেক্কুনোরে বিচেরত্ দুষি বিলিনে ধরা অবঅ।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”