মার্ক 16:14 - Chakma Bible

¹⁴ ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

মার্ক 16:14 ပူးပေါင်းရင်းမြစ်များ

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

মথি লেখ্যে গম্ হবর্ 11:20

যীশু যেদক্কানি আদামত্ আর শঅরত্ বেশ্ ভাগ আমক্ কাম গোজ্যে সেই বেক্ জাগানির্ মানুচ্চুনে মনানি ন-ফিরেন্। ইয়েনত্তে সেই জাগানিরে তে অঘধা কুয়ো ধুরিলো,

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

মথি লেখ্যে গম্ হবর্ 28:17

সিয়েনত্ যীশুরে দেগিনে তারা তারে সালাম্ গুরিনে গোজেনর্ সর্মান দিলাক্, মাত্তর্ কয়েকজনে সন্দেহ গুরিলাক্।

মার্ক 7:18

যীশু তারারে কলঅ, “তুমি কি অন্যগুনোত্তুন্ এদক্ অবুঝ্? তুমি কি ন-বুঝো যে, বারেত্তুন্ যিয়েনি মান্‌জ্য ভিদিরে চমে সিয়েনি তারে অসিজি গুরি ন-পারে?

লূকে লেখ্যে গম্ হবর্ 24:11

মাত্তর্ সেই বেক্‌ কধানি তারা ইধু বাজে কধা ধোক্ক্যেন্ মনে অলঅ। সেনত্তে সেই মিলেগুনো কধা তারা বিশ্বেজ্ ন-গুরিলাক্।

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

যোহন 20:25

অন্য শিচ্চ্যগুনে যেরেদি থোমারে কলাক্, “আমি প্রভুরে দেক্ক্যেই।” থোমা তারারে কলঅ, “মুই তা দ্বি আদত্ যুনি জোলোই মাজ্যে চিহ্নো ন-দেগং, সেই চিহ্নোগানত্ আঙুল্ ন-দুয়োং আর তা বুগোত্ আঢ্-দুয়োং, সেধক্কন্ সং কনঅ বাবদে বিশ্বেজ্ ন-গুরিম্।”

যোহন 20:26

ইয়েনর্ এক সাপ্তা বাদে শিচ্চ্যগুনে আরঅ ঘরঅ ভিদিরে এগত্তর্ অলাক্, আর থোমায়ো তারা সমারে এলঅ। যুনিয়ো বেক্‌ দুয়োরানি বান্ন্যে এলঅ তো যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্‌।”

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

যোহন 21:1

ইয়েন পরেদি তিবিরিয়া সাগর পারত্ শিচ্চ্যগুনো ইধু আরঅ যীশু দেগা দিলো। ঘটনাগান্ এবাবোত্যেগুরি ঘোট্যে:

যোহন 21:14

মরাত্তুন্ জেদা ওই উদোনার্ পরেদি যীশু এই তিন বার্ শিচ্চ্যগুনোরে দেগা দিলো।

প্রেরিত্‌ 1:3

তার দুঘ্ ভোগ্ গরানার্ পরেদি এ মানুচ্চুনো ইধু তে দেগা দিয়্যে আর তে যে জেদা আঘে সিয়েনর বোউত্ বিশ্বেজ্ গুরিবার প্রমাণ্ দিয়্যে। চল্লিশ দিন সং তে শিচ্চ্যগুনোরে দেগা দিইনে গোজেন রেজ্যর্ পৌইদ্যেনে কোইয়্যে।

১ করিন্হীয় 15:5

আর তে পিতররে আহ্ যেরেদি তার্ প্রচারগ্‌কুনোরে দেগা দিয়্যে।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।