মার্ক 15:34 - Chakma Bible

³⁴ বেল্যে তিনটা সময় যীশু জুরে রঅ ছাড়িনে কলঅ, “এলোই, এলোই, লামা শবক্তানী,” অত্তাৎ “গোজেন মর্, গোজেন মর্, কিত্তে তুই মরে ফেলে যেইয়োচ্?”

মার্ক 15:34 ပူးပေါင်းရင်းမြစ်များ

গীতসংহিতা 22:1

গোজেনে মর্, গোজেনে মর্, কিত্তে তুই মরে ছাড়ি যেইয়োচ্? মরে রোক্ষ্যে ন-গুরিনে, মর্ চোগো পানিয়ে-ভোজ্যে তবনাগান ন-শুনিনে, কিত্তে তুই দূরোত্ সুরি আগচ্?

গীতসংহিতা 27:9

তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্‌বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্‌গুরিয়্যে, মরে ফেলেইনে ন-যেচ্, মরে বাদ্ ন-দিচ্।

গীতসংহিতা 42:9

মর্ গোজেনর ইদু, মর্ আশ্রয়-মুড়োবোর ইদু, মুই এ কধাগান কোম্, “কিত্তেই তুই মরে ভুলি যেইয়োচ্? কিত্তেই মত্তুন্ শত্রুর অত্যেচারে মনত্ দুখ্ গুরিনে বেড়া পুরিবো?”

গীতসংহিতা 71:11

তারা কদন্, “গোজেনে তারে ছাড়ি যেইয়্যে; তারে লোড়েইনে ধুরি ফেল, তারে বাঁজেবাত্তে কনজন নেই।”

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 5:20

তুই কি উমরত্তে আমারে ভুলি যেবে? এদক্ দিন ধুরিনে কিত্তে তুই আমারে ছাড়িনে আগচ্?

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মথি লেখ্যে গম্ হবর্ 27:46

প্রায় তিন্‌টা সময় যীশু রঅ ছাড়িনে কলঅ, “এলী, এলী, লামা শবক্তানী,” অত্তাৎ “মঅ গোজেন, মঅ গোজেন, কিত্তে তুই মরে ছাড়ি যেইয়োচ্?”

মার্ক 15:25

বেন্যে নয়টা সময়োত্ তারা যীশুরে ক্রুশোত্ দিলাক্।

মার্ক 15:35

যিগুনে সিয়েনত্ থিয়্যেই এলাক্ তারাত্তুন্ কয়েকজনে এ কধাগান্ শুনিনে কলাক্, “শুনো, শুনো, তে এলিয়রে ডাগের্।”

লূকে লেখ্যে গম্ হবর্ 23:44

সেক্কে বেলান্ প্রায় দ্বিবুজ্যে বারটা সময়োত্ যেক্কেনে বেলানে পহ্‌রান্ বন্ধ গুরিলো আর গোদা দেশ্‌চান বেল্যেমাদান্ তিনটা সং আন্ধারে ঢাক্যে এলঅ। আর যিরূশালেমর্ উবোসনা-ঘরর্ পর্দাগান সংমোধ্যেদি ফাদিনে দ্বিভাগ্ ওই গেলঅ।

লূকে লেখ্যে গম্ হবর্ 23:46

যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।

প্রেরিত্‌ 10:3

এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।