মার্ক 15:28 - Chakma Bible

²⁸ সেক্কে পবিত্র বোইয়োর্ এ কধাগান্ পূরোণ অলঅ: “তারে অন্যেয় গুরিয়্যেগুনো লগে গোণা অলঅ।”

মার্ক 15:28 ပူးပေါင်းရင်းမြစ်များ

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

মার্ক 15:27

তারা দ্বিজন ডাগেদরেয়ো যীশু লগে ক্রুশোত্ দিলাক্, একজনরে ডেনেদি আর অন্যজনরে বাঙেদি।

মার্ক 15:29

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্, “ওহ্, তুই নাহি উবোসনা-ঘরান্ ভাঙিনে আরঅ তিন দিনো ভিদিরে সিয়েন বানেই দি পারচ্!

লূকে লেখ্যে গম্ হবর্ 22:37

পবিত্র বোইবোত্ লেগা আঘে, ‘তারে পাপীগুনো সমারে গুণো অলঅ।’ মুই তমারে কঙর্, এ কধাগান্ মঅ মাধ্যমে পূরোণ্ ওয়া পুরিবো, কিয়া মঅ পৌইদ্যেনে যিয়েন্ লেগা আঘে সিয়েন্ পূরোণ্ অবাত্তে যার্।”

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।