মার্ক 15:24 - Chakma Bible

²⁴ ইয়েনর্ পরেদি তারা যীশুরে ক্রুশোত্ দিলাক্ আর সৈন্যগুনে চাম্বা চেইনে যীশুর লাম্বা সিলুম্মো তারা নিজো ভিদিরে ভাগাভাগি গুরিলাক্, সিলুম্মো উগুরি লুঙি মারিনে কা ভাগ্যত্ কি পড়ে সিয়েন যগা চাদন্।

মার্ক 15:24 ပူးပေါင်းရင်းမြစ်များ

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

প্রেরিত্‌ 5:30

যিবেরে তুমি ক্রুশোত্ টাঙেইনে মারে ফেল্ল্য আমা পূরোণি মানুচ্চুনোর গোজেন সেই যীশুরে মরণত্তুন্ জেদা গুরি তুল্ল্যে।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।