মার্ক 15:19 - Chakma Bible

¹⁹ তারা এক্কো মুগোর্‌‍‍‍লোই যীশু মাঢাবোত্ বার্‌বার্ মারা ধুরিলাক্ আর তা কিয়্যেত্ সেফ্ ফেলেই দিলাক্, আর আঢু পারিনে তারে সর্মান দেগেবার্ ভান্ গুরিলাক্।

মার্ক 15:19 ပူးပေါင်းရင်းမြစ်များ

পত্থম 24:52

অব্রাহাম চাগর্‌বো এ কধাগান শুনিনে মাদিত্‌ মাঢা নিগিরিনে লগেপ্রভুরে তা মনর্‌ ভোক্তি জানেল।

পত্থম 43:28

তারা কলাক্, “তঅ চাগর্‌ আমা বাপ্পো এজঅ বাঁজি আঘে আর গম্‌ আঘে।” ইয়েন্‌ কোইনে তারা মাদিত্‌ মাদাবো নিগিরিনে যোষেফরে সর্মান জানেলাক্‌।

১ রাজাবলী 19:18

মাত্তর্‌ ইস্রায়েলত্‌ মুই সাত আজার মান্‌জ্যরে ফেলে এচ্ছোং যিগুনে বাল দেবেদার মুজুঙোত্‌ আদু ন-পাদন্‌ আর তারে ন-চুমোন্‌।”

ইয়োব 13:9

তে যুনি তমারে পোরোক্ষ্যে গরে সালে কি তমার্‌ গম্‌ অবঅ? মান্‌জ্যরে যেধোক্ক্যেন্ গুরিনে ঠগা যায় সেধোক্ক্যেন্ গুরিনে কি তুমি তারেয়ো ঠোগেবা?

গীতসংহিতা 69:12

যিগুনে শঅরর্ গেদোত বোইনে তারা ভিদিরে মরে নিইনে কধা তুলোন্; মাত্তলুনে মরে নিইনে গীদ্ গান।

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

যিশাইয় 52:14

তা চেঙারাগান আর কিয়্যেগান এদক্ বিশ্রী গুরি দিয়্যে অবঅ, সিয়েন আর কনঅ মান্‌জ্য ধোক্ক্যেন ন-থেবঅ; সেনত্তে ভালোকজনে তারে দেগিলে আমক্ অবাক্।

মীখা 5:1

ও সৈন্যদল্লোই ঘিরে হেইয়্যে শঅরান্, তঅ সৈন্যদল্লো সাজা, কিত্যে আমা বিরুদ্ধে এক্কান ঘিরে অর্। শত্রুগুনে ইস্রায়েলর শাজন্‌গুরিয়্যেবোর্ গালত্ লুদিক্কোই আঘাত্ গত্তন্।

মথি লেখ্যে গম্ হবর্ 27:30

সেক্কে তা কিয়্যেত্ তারা সেফ্ ফেলেই দিলাক্ আর সে মুগোর্‌‍‍‍লোই তা মাঢাবোত্ বার্‌‍‍‍বার্ আঘাত্ গুরিলাক্।

মার্ক 10:34

অযিহূদীগুনে তারে ঠাট্টা-মশ্‌‌‍কারি গুরিবাক্, তা কিয়্যেত্ সেফ্ ফেলেই দিবাক্, তারে অমকদ চাবুক্ মারিবাক্ আর মারে ফেলেবাক্। তিন দিনোত্ আরঅ তে জেঈ উদিবো।”

মার্ক 14:65

সেক্কে কয়েকজনে যীশুরে সেফ্ ফেলেই দেনা আরাম্ভ গুরিলাক্ আর তারা তা মুয়োন্ নাঢি দিইনে তারে ঘুষি মারিনে কলাক্, “অনুমান্ গর্ কন্না তরে মারিলো!” আর সে পরেদি চুগিদারুনে তারে নেযেইনে চুয়োড়্ মারা ধুরিলাক্।

মার্ক 15:18

সে পরেদি তারা যীশুরে কুয়ো ধুরিলাক্, “যিহূদী-রাজ, জয় ওক্!”

মার্ক 15:20

যেক্কেনে তারা যীশুরে তাট্টা তামাজা গরানা শেজ্ গুরিলাক্ সে পরেদি তারা তা বিগুনী রঙর্ ঢিলেঢালা পোজাক্কান্ খুলি নেযেলাক্ আর তারার্ নিজো পোজাক্কানি উরে দিইনে তারে ক্রুশোত্ দিবাত্তে নেযা ধুরিলাক্।

মার্ক 9:12

তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

লূকে লেখ্যে গম্ হবর্ 22:63

যিগুনে যীশুরে চুগি দেদন্ সিগুনে তারে ঠাট্টা গরানা আর পিদে ধুরিলাক্।

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

লূকে লেখ্যে গম্ হবর্ 23:36

সৈন্যগুনেয়ো তারে ঠাট্টা-মশ্‌কারি গরা ধুরিলাক্। তারা যীশুরে হানা দিবাত্যে তাইধু সির্কা নেযেইনে কলাক্,

রোমীয় 11:4

মাত্তর্ গোজেনে এলিয়রে কি জোব্ দিয়্যে? তে কোইয়্যেদে, “মুই সাত আজার্ মান্‌জ্যরে মত্যে থোই দুয়োং যিগুনে বাল-দেবেদা ইধু মাঢা ন-নিগিরোন্।”

ফিলিপীয় 2:10

যেন স্বর্গত, পিত্‌থিমীত আর পিত্‌থিমীর মূঢ়োত্ যিগুনে আঘন্ সিগুনে বেক্কুনে যীশুর্ মুজুঙোত্ আঢু পাদিবাক্,

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,