মার্ক 14:58 - Chakma Bible

⁵⁸ “আমি তারে কধে শুন্ন্যেই, ‘মান্‌জ্যর্ বানেয়্যে এই উবোসনা-ঘরান্ মুই ভাঙি ফেলেম্ আর তিন দিনো ভিদিরে এমন্ এক্কান উবোসনা-ঘর্ বানেম্ যিয়েন মান্‌‌জ্যর্ বানেয়্যে নয়।’ ”

মার্ক 14:58 ပူးပေါင်းရင်းမြစ်များ

দানিয়েল 2:34

তুই যেক্কে রিনি চেইয়োচ্ সেক্কে এক্কো পাত্তর্ কাবিনে নেযা অলঅ, মাত্তর্ সিবে মান্‌‌‌জ্য আঢে কাবা ন-অয়। সেই পাত্তর্‌‌‌বো লুয়ো আর মাদি মিজেয়্যে টেঙত্ আঘাত্ গুরিনে সিয়েনিরে কট্টা কট্টা গুরি ফেলেল।

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

মথি লেখ্যে গম্ হবর্ 26:61

“এ মানুচ্চো কোইয়্যেদে, মুই গোজেন ঘরান্ ভাঙি ফেলেইনে তিন দিনো ভিদিরে আরঅ সিয়েন্ বানেই দি পারং।”

মার্ক 14:57

সেক্কে কয়েকজনে থিয়্যেইনে তা বিরুদ্ধে এ মিজে সাক্ষীগান্ দিলাক্,

মার্ক 14:59

মাত্তর্ তুয়ো তারার্ সাক্ষীগান্ ন-মিলিলো।

মার্ক 15:29

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্, “ওহ্, তুই নাহি উবোসনা-ঘরান্ ভাঙিনে আরঅ তিন দিনো ভিদিরে সিয়েন বানেই দি পারচ্!

যোহন 2:19

জোবত্ যীশু তারারে কলঅ, “গোজেন ঘরান্ তুমি ভাঙি ফেলঅ, তিন দিনো ভিদিরে আরঅ মুই সিয়েন তুলিম্।”

প্রেরিত্‌ 7:48

মাত্তর্ দাঙর্ গোজেনে মান্‌জ্যর্ বানেয়্যে ঘরত্ ন-থায়। ভাববাদীবো কোইয়্যেদে যে,

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।