মার্ক 14:55 - Chakma Bible

⁵⁵ যীশুরে মারে ফেলেবার্ উগুম দিবাত্তে আজল্ ধর্মগুরুগুনে আর তেম্মাঙর্ বেক্ মানুচ্চুনে তা বিরুদ্ধে কিজু সাক্ষী দিবাত্যে চেষ্টা গরদন্, মাত্তর্ কনঅ সাক্ষী তারা ন-পেলাক্।

মার্ক 14:55 ပူးပေါင်းရင်းမြစ်များ

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

গীতসংহিতা 27:12

মর্ শত্রুগুনোর ইদু মরে ছাড়ি ন-দিচ্, কিত্যে মিজে সাক্ষিগুনে মঅ বিরুদ্ধে থিয়্যেয়োন্; তারার্ নিযেজর্ লগে নিগিলি এজের্ অত্যেচার কধানি।

গীতসংহিতা 35:11

অত্যেচারিগুনে মিজে সাক্ষি দিবাত্তে উজেই এত্তন্, আর মুই যিয়েনি হবর্ ন-পাং সে পৌইদ্যেনে মরে পুযোর্ গত্তন্।

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মার্ক 14:56

যীশুর বিরুদ্ধে ভালোক্কুনে মিজে সাক্ষী দুয়োন্ মাত্তর্ তারার্ কধানি ন-মিলিলো।

যোহন 18:19

দাঙর্ ধর্মগুরুবো সেক্কে যীশুরে তা শিচ্চ্যগুনো পৌইদ্যেনে আর তা শিক্ষ্যে পৌইদ্যেনে পুযোর্ গুরিলো।

যোহন 18:21

সালে কিত্ত্যে মরে পুযোর্ গরর্? মঅ কধা যিগুনে শুন্ন্যন্ তারারে পুযোর্ গর্ মুই তারারে কি কোইয়োং। মুই যিয়েনি কোইয়োং সিয়েনি তারা হবর্ ন-পেবার্ কধা নয়।”