মার্ক 14:41 - Chakma Bible

⁴¹ যেক্কেনে তে তিনবার্ ফিরি এলঅ আর তে তারারে কলঅ, “তুমি কি এজঅ ঘুম যর্ আর জিরোর্? যগাজ্যে ওইয়্যে। সময়বো লুম্মেগি, চঅ, মান্‌জ্য পুয়োবোরে ইক্কিনে পাপীগুনো আঢত্ ধুরি দিয়্যে অর্।

মার্ক 14:41 ပူးပေါင်းရင်းမြစ်များ

১ রাজাবলী 18:27

দিবুজ্যে অক্তত্‌ এলিয় তারারে ঠাট্টা গুরিনে কলঅ, “দাঙর্‌ গুরিনে রঅ ছাড়অ, তে দঅ দেবেদা। অয়ত তে গভীন্‌ চিন্তে গরের্‌, নয়ত আঘাছালত্‌ যেইয়্যে, নয়ত পদথ্‌ আদের্‌। অয়ত্‌ ঘুম্‌ যার্‌, তারে জাগা পুরিবো।”

১ রাজাবলী 22:15

মীখায় এজানার্‌ পরেন্দি রাজা তারে পুযোর্‌ গুরিলো, “মীখায়, আমি কি রামোৎ-গিলিয়দর বিরুদ্ধে যুদ্ধো গুরিবাত্তে যেবং, না ন-যেবং?” জোবত্‌ মীখায় কলঅ, “অয়, যহ্-যহ্, আক্রমণ গুরিনে জিদি নেযঅ, কিত্তেই লগেপ্রভু সিয়েন্‌ তঅ আঢত্‌ দি রাগেয়্যে।”

২ রাজাবলী 3:13

ইলীশায় ইস্রায়েল রাজারে কলঅ, “তঅ সমারে মর্‌ কি মিজেনা? তুই তঅ বাপ্পো বা মাবো ভাববাদীগুনোর ইদু যাহ্।” জোবত্‌ ইস্রায়েল রাজা কলঅ, “না, নঅ-যেম্‌, কিত্তে মোয়াবর আঢত্‌ তুলি দিবাত্তে গোজেনে আমারে তিন রাজারে ডাগিনে এগত্তর্‌ গোজ্যে।”

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মার্ক 14:10

সে পরেদি যিহূদা ইষ্কারিয়োৎ নাঙে সেই বারজন শিচ্চ্যত্তুন্ এক্কো শিচ্চ্য যীশুরে ধুরি দিবাত্তে আজল্ ধর্মগুরুগুনো ইধু গেলঅ।

মার্ক 14:18

তারা যেক্কে বুয়োইনে খাদন্ সেক্কে যীশু কলঅ, “মুই তমারে ঘেচ্চেক্‌গুরি কঙর্, তমা ভিদিরেত্তুন্ একজনে মরে ধুরি দিবো, আর তে মঅ সমারে খার্।”

মার্ক 14:35

সে পরেদি তে কিজু দূরোত্ যেইনে মাদিত্ মাঢা নিগুরিনেই পুড়িনে তবনা গুরিলো যেন সম্ভব অলে এ দুঘোর্ সময়ান্ তাত্তুন্ দূর অয়।

মার্ক 14:40

সে পরেদি তে তা শিচ্চ্যগুনো ইধু ফিরি এইনে দেগিলো তারা ঘুমোত্ পোজ্যন্, কিয়া তারা এদক্ অঘোর্ ঘুমোত্ যে চোগ্‌কুন্ খুলি ন-পারদন্। শিচ্চ্যগুনে যীশুরে কি জোব্ দিবাক্ ভুলি যেয়োন্দোই।

মার্ক 14:42

উদো, আঢঅ আমি যেই। চঅ, যিবে মল্লোই বেঈমানী গরের্ এইয়্যে সে মানুচ্চো।”

মার্ক 7:9

যীশু তারারে আরঅ কলঅ, “গোজেনর্ উগুম বাদ্ দিইনে নিজোর সুদোমানি পালেবাত্তে গমেডালে গম্ পথ্‌তান্ তমার জানা আঘে।

মার্ক 9:31

কিয়া সেক্কে তে তা শিচ্চ্যগুনোরে শিক্ষ্যে দের্। তে তারারে কোইয়্যেদে, “মান্‌‌‍জ্য পুয়োবোরে মানুচ্চুনো আঢত্ ধুরি দিয়্যে অবঅ। তারা তারে মারে ফেলেবাক্ আর তিন দিনোত্ তে জেঈ উদিবো।”

যোহন 12:23

যীশু সেক্কে আন্দ্রিয় আর ফিলিপরে কলঅ, মান্‌জ্য পুয়োবোর্ মহিমাগান্ ফগদাং পেবার্ অক্‌ত এইচ্চ্যে।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 7:30

ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।

যোহন 8:20

উবোসনা-ঘরত্ শিক্ষ্যে দিবার্ অক্তত্ দান্ দিবার জাগানত্ যীশু ইয়েনি বেক্কানি কলঅ। মাত্তর্ সেক্কেয়ো তার্ সময় ন-অয় বিলি কনজনে তারে ন-ধুরিলাক্।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

বিচের গুরিয়্যেগুন 10:14

যে দেব-দেবেদাগুনোরে তুমি বেই লোইয়ো তারার ইদু যেইনে কা ন গোই। দযার্ সময়োত্‌ তারা তমারে উদ্ধোর গুরিবাক্।”