মার্ক 14:33 - Chakma Bible

³³ ইয়েন কোইনে তে পিতর, যাকোব আর যোহনরে সমারে নেযেল আর মনত্ অমকদ দুঘ্ পেলঅ।

মার্ক 14:33 ပူးပေါင်းရင်းမြစ်များ

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

মার্ক 5:37

যীশু বানা পিতর, যাকোব আর যাকোবর ভেই যোহনরে তা সমারে নেযেল।

গীতসংহিতা 38:11

মর্ এ অবস্থাগান দেগিনে সমাজ্যেগুনে মত্তুন্ দূরোত্ দূরোত্ থান্, এন্ কি, মর্ গেদি-গুট্টিগুনে দূরোত্ সুরি থান্।

মার্ক 9:2

ইয়েনর্ ছ'দিন পরে যীশু বানা পিতর, যাকোব আর যোহনরে সমারে নিইনে এক্কো অজল্ মুড়োত্ গেলঅ। এ শিচ্চ্যগুনো মুজুঙোত্ তা চেয়ারাগান্ বুদুলি গেলঅ।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

মার্ক 9:15

মানুচ্চুনে যীশুরে দেগিনে অমকদ আমক্ ওই গেলাক্ আর দাবা যেইনে তারে ভালেদি জানেলাক্।

মার্ক 16:5

সেনত্যে তারা গোরানত্ সোমেলাক্, সিয়েনত্ তারা দেগিলাক্ ধুব্ কাবড়-উজ্যে এক্কো গাবুর্ মানুচ্ ডেনেদি বুয়োই আঘে। সেনত্যে তারা অমকদ আমক্ অলাক্।

মার্ক 16:6

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।