মার্ক 14:31 - Chakma Bible

³¹ মাত্তর্ পিতরে আরঅ জোর্ দিইনে কলঅ, “মত্তুন্ যুনি তঅ সমারে মরায়ো পড়ে তো মুই কনদিন্অ ন-কোম্, মুই তরে ন-চিনোং।” সেক্কেনে অন্য শিচ্চ্যগুনেয়ো বেক্কুনে সেই একই কধা কলাক্।

মার্ক 14:31 ပူးပေါင်းရင်းမြစ်များ

১ রাজাবলী 11:22

ফরৌনে পুযোর্‌ গুরিলো, “ইদু তর্‌ কি অভাব ওইয়্যে, তুই নিজোর দেজত্‌ ফিরি যেবাত্তে চর্‌?” জোবত্‌ হদদে কলঅ, “কনকিজুর্‌ অভাব ন-অয়, তো মরে যেবাত্তে দে।”

২ রাজাবলী 8:13

সেক্কে হসায়েলে কলঅ, “বানা এক্কো কুগুরো ধোক্কেন্‌ তর্‌ এ চাগর্‌বো কেধোক্কেন্‌ গুরি এ সাহসর্‌ কামান্‌ গুরিবো?” ইলীশায় কলঅ, “তুই যে অরামর রাজা অবে সিয়েন্‌ লগেপ্রভু মরে দেগেই দিয়্যে।”

গীতসংহিতা 30:6

সুগোর্ দিনোত্ মুই কোয়োংগে, কনজনে মরে লাড়েই ন-পারিবাক্।

যাত্রা 19:8

এই কধানি শুনিনে বেক্‌ মানুচ্চুনে এক সমারে কলাক্কে, “লগেপ্রভু যিয়েনি কোইয়্যে আমি সিয়েনি বেক্কানি গুরিবোং।” মানুচ্চুনে যিয়েনি কলাক্‌ মোশি যেইনে সিয়েনি লগেপ্রভুরে জানেল।

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

গম্ উপদেজ্ 18:24

যিবের সমাজ্যে বেশ্ তার দজা ঘুদি যেই পারে, মাত্তর্ এমন্ সমাজ্যে আগন যে ভেইয়োত্তুন্‌অ বেশ্ বিশ্বেজি।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

যিরমিয় 10:23

ও লগেপ্রভু, মুই হবর্ পাং মান্‌জ্যর জিংকানির-পথ্‌‍তান তার নিজোর্ নয়; তার টেঙ পোইদ্যেগুন উগুম দেনায়ো তার কাম নয়। ‍‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 10:33

মাত্তর্ যে কনজনে মান্‌জ্য মুজুঙোত্ মরে অস্বীগের্ গরে মুইয়ো মর্ স্বর্গর্ বাবা মুজুঙোত্ তারে অস্বীগের্ গুরিম।

মার্ক 10:39

তারা কলাক্, “আমি পারিবোং।” সেক্কে যীশু তারারে কলঅ, “যে দুঘোর্ গলজত্ মুই হেম্ তুমি হামাক্কায় সিবেত্ হেবা, আর যে বাপ্তিস্মগান মুই মানি লোম্ সিয়েন তুমিয়ো মানি লবা,

মার্ক 14:30

যীশু তারে কলঅ, “মুই তরে ঘেচ্চেক্‌গুরি কঙর্, এচ্চ্যে বেন্যেপোত্যে রাদা কুরো দ্বিবার ডাগ্ কারিবার্ আগেদি তুই তিনবার্ কবে, তুই মরে ন-চিনোস্।”

মার্ক 14:32

সে পরেদি যীশু আর তা শিচ্চ্যগুনে গেৎশিমানী নাঙে এক্কান্ জাগাত্ গেলাক্। সিয়েনত্ যীশু তা শিচ্চ্যগুনোরে কলঅ, “মুই যেদক্কন্ সং তবনা গরং সেদক্কন্ সং তুমি ইয়েনত্ বুয়োই থাগঅ।”

লূকে লেখ্যে গম্ হবর্ 23:23

মাত্তর্ মানুচ্চুনে যীশুরে ক্রুশোত্ দিবাত্যে রঅ ছাড়া ধুরিলাক্ আর যেরেদি তারা রঅ ছাড়িনে জিদিলাক্। পীলাতে মানুচ্চুনো কধা মানি নেযানা ঠিগ্ গুরিলো।

যোহন 13:37

পিতরে তারে কলঅ, “প্রভু, কিত্ত্যে ইক্কিনে আমি তঅ সমারে যেই ন-পারিবোং? তত্ত্যে মুই মঅ পরাণান্-অ দিম্।”