মার্ক 14:16 - Chakma Bible

¹⁶ সেক্কে শিচ্চ্যগুনে যেইনে শঅরত্ সোমেলাক্, আর যীশু যেবাবোত্যে কোইয়্যে বেক্কানি সেবাবোত্যে দেগিলো আর উদ্ধোর্-পরবর্ হানাগান্ যুক্কোল্ গুরিলাক্।

মার্ক 14:16 ပူးပေါင်းရင်းမြစ်များ

যিহিষ্কেল 12:7

মরে যিয়েনি উগুম গরা অলঅ সেবাবোত্যে মুই কাম্ গুরিলুং। দূরোত্ বন্দী ওই যাইদ্যে ধোক্ক্যেন গুরি মুই মর্ পযাপিরানি দিনোত্ নিগিলেই আনিলুং। সে পরেদি সাজোন্যে আঢ্‌‌তোই দেবাল গাত্তো খুড়িলুং। তারা চোগো মুজুঙোত্ আন্ধারত্ মর্ পযাপিরানি মুই কানা উগুরে লোইনে আঢা ধল্লুং।

মার্ক 14:15

সেক্কে তে তমারে উগুরে তালাত্ এক্কান্ সাজেয়্যে দাঙর্ ঘর্ দেগেই দিবো। বেক্কানি সিধু যুক্কোল্ গরঅ।”

মার্ক 14:17

যেক্কেনে সাজোন্যে অলঅ যীশু সেই বারজন্ শিচ্চ্যরে নিইনে সিধু এলঅ।

লূকে লেখ্যে গম্ হবর্ 22:13

যীশু তারারে যেবাবোত্যে গুরি কোইয়্যে, তারা যেইনে বেক্কানি সেবাবোত্যে দেগিলাক্ আর উদ্ধোর্-পরবর্ হানাগান্ যুক্কোল্ গুরিলাক্।

লূকে লেখ্যে গম্ হবর্ 22:35

সে পরেদি যীশু তা শিচ্চ্যগুনোরে কলঅ, “মুই যেক্কে তমারে টেঙার্ থোইল্ল্যা, ঝলা আর জদা ছাড়া দিপাধেয়োং সেক্কে কি তমার্ কনঅ অভাব ওইয়্যে?” শিচ্চ্যগুনে কলাক্, “না, ন-অয়।”

যোহন 16:4

মুই তমারে ইয়েনি বেক্কানি কলুং যেন সেই সময়বো এলে পরেদি তমাত্তুন্ ইদোত্ উদে যে, মুই তমারে এ কধাগান্ কোইয়োং। মুই পৌইল্যাত্তুন্ ধুরি এদক্কানি কধা তমারে ন-কং, কিয়া মুই তমা সমারে সমারে এলুং।