মার্ক 13:14 - Chakma Bible

¹⁴ সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

মার্ক 13:14 ပူးပေါင်းရင်းမြစ်များ

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

যিহিষ্কেল 44:9

যে বিদেশীগুনোর মনানি আর কিয়্যেনি সুন্নত গরা ন-অয় তারা মঅ ঘরত্ সোমেই ন-পারিবাক্; এন্ কি, ইস্রায়েলীয়গুনো ভিদিরে বজত্তি গোজ্যে বিদেশীগুনেয়ো ন-পারিবাক্।

দানিয়েল 11:31

তা সৈন্যগুনে উপোসনা-ঘর, অত্তাৎ ঘরানি অসিজি গুরিবাক্ আর পত্তিদিনোর উৎসর্বর অনুষ্ঠান বন্ধ গুরি দিবাক্। সে পরেদি তারা ভস্ত অবার্ ঈচ্ গরেদে জিনিস থিদেবর্ গুরিবাক্।

দানিয়েল 12:11

যেদিন্যেত্তুন্ ধুরি অক্ত মজিম্ উৎসর্ব বন্ধ গুরি দিয়্যে অবঅ আর সর্বনাশা ঈচ্ গরেদে জিনিস থিদেবর্ গরা অবঅ সেদিন্যেত্তুন্ ধুরি এক আজার্ দিশঅ নব্বই দিন অবঅ।

দানিয়েল 8:13

সে পরেদি মুই এক্কো পবিত্র স্বর্গদুতোরে কধা কদে শুনিলুং আর এক্কো পবিত্র স্বর্গদূতে তারে পুযোর্ গুরিলো, “এই দর্শনানত্ যিয়েন দেগা অলঅ সিয়েন কয়দিন ধুরি চলিবো? কয়দিন ধুরি পত্তিদিনোর্ উৎসর্বর অনুষ্ঠানর বদলে সর্বনাশ পাপর জিনিস থেবঅ? কয়দিন ধুরি উবোসনা-ঘর আর তারাগুনোরে টেঙোই উরো অবঅ?”

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

মথি লেখ্যে গম্ হবর্ 13:51

ইয়েনর পরেদি যীশু তা শিচ্চ্যগুনোরে পুযোর্ গুরিলো, “তুমি কি ইয়েনি বেক্কানি বুঝি পাজ্জ্য?”

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

ফগদাং পেইয়্যে 1:3

গোজেনর্ কধানি যিয়েনি ইয়েনত্ লেগা ওইয়্যে, যিবে সিয়েনি পড়ে তে বর্‌পেইয়্যে আর যিগুনে সিয়েনি শুনোন্ আর পালন গরন সিগুনেয়ো বর্‌পেইয়্যে, কিয়া সময়ান কায়কুরে লুম্মেগি।

ফগদাং পেইয়্যে 13:18

ইয়েনি বুঝোদে বুদ্ধির্ দরকার। যিবের্ বুদ্ধি আঘে তে সেই য়েমান্নোর্ লম্বর্‌বো গুণি চোক্, কিয়া সিবে এক্কো মান্‌জ্যর নাঙর্ লম্বর্। আর সেই লম্বর্‌বো অলঅ ছয়শ ছয়ষট্টি।