মার্ক 13:11 - Chakma Bible

¹¹ যেক্কে তমারে ধুরিনে বিচেরত্তে নেযেবাক্ সেক্কে কি কুয়ো পড়িবো সিয়েন আগেত্তুন্ ধুরি চিদে ন-গোজ্য। সে সময়োত্ যে কধাগান তমারে কোই দিয়্যে অবঅ তুমি সিয়েনই কবা, কিয়া তুমি যে কবা সিয়েন নয় বরং পবিত্র আত্মাগানে কধা কবঅ।

মার্ক 13:11 ပူးပေါင်းရင်းမြစ်များ

২ শমূয়েল 23:2

লগেপ্রভুর আত্মাগানে মঅ ভিদিরেন্দি কধা কর্‌, মঅ মুয়োনত্‌ আঘে তা কধাগান।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

মথি লেখ্যে গম্ হবর্ 10:17

উজিয়ার্ থেয়ো, কিয়া মান্‌জ্যে বিচের-সভাত্ মানুচ্চুনো আঢত্ তমারে ধুরি দিবাক্ আর তারার্ সমাজ-ঘরত্ তমারে চাবুক্ মারিবাক্।

মার্ক 13:12

ভেই ভেইয়োরে, বাবে পুয়োরে মারে ফেলেবাত্তে ধুরি দিবাক্। পুয়ো-ছাগুনে মা-বাব বিরুদ্ধে থিয়্যেইনে তারারে খুন্ গোরেবাক্।

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

প্রেরিত্‌ 6:15

যিগুনে সেই দাঙর্ তেম্মাঙত্ বৈঈ এলাক্ তারা বেক্কুনে সেক্কে স্তিফান ইন্দি রিনি চেলাক্, তা মুয়োন এক্কো স্বর্গদূতো মুয়ো ধোক্ক্যেন্ ওই যেইয়্যে।

প্রেরিত্‌ 7:55

মাত্তর্ স্তিফানে পবিত্র আত্মালোই ভর্‌‌‌‌‌‌পুনোং ওইনে স্বর্গ ইন্দি রিনি চেইনে গোজেনর্ মহিমাগান্ দেগিলো। তে যীশুরে গোজেনর্ ডেনেদি থিয়্যেই থাগদে দেগিনে কলঅ,

১ করিন্হীয় 2:13

আর সে দানানির্ কধা আমি কোই। সিয়েনি কবাত্যে আমি যেদক্কানি কধা বেবহার গুরিই সিয়েনি মান্‌জ্যর্ জ্ঞানত্তুন্ শিক্ষ্যে পেইনে ন-কোই, মাত্তর্ পবিত্র আত্মালোই শিক্ষ্যে পেইনে কোই। আত্মিক সত্য বুঝেবাত্তে আমি আত্মিক কধা বেবহার গুরিই।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।