মার্ক 13:1 - Chakma Bible

¹ যীশু উবোসনা-ঘরত্তুন্ যেক্কে নিগিলি যার্ সেক্কে তার্ এক্কো শিচ্চ্য তারে কলঅ, “মাষ্টরবাবু, চাহ্, কত্তমান্ দাঙর্ দাঙর্ পাত্তর্, আর কি দোল্ দোল্ বিল্ডিং!”

মার্ক 13:1 ပူးပေါင်းရင်းမြစ်များ

যিরমিয় 51:61

যিরমিয় সরায়রে কলঅ, “তুই যেক্কে বাবিলোত্ লুমিবে সেক্কে খিয়েল রাগেবে যেনে এই বেক্ কধানি তুই মানুচ্চুনোরে পোড়েই শুনোচ্।

যিহিষ্কেল 10:19

মঅ চোগো মুজুঙোত্ করূব্‌পুনে ডুয়ো মিলি দিইনে মাদিত্তুন্ উগুরে উদো ধুরিলাক্, আর চাক্কাগুনো তারা সমারে যা ধুরিলাক্। তারা লগেপ্রভুর ঘরর্ পূগেদি গেদোত্ সোমেবার পদথ্ যেইনে থামেলাক্; ইস্রায়েলর গোজেনর মহিমাগান্ তারা উগুরে রলঅ।

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”