মার্ক 12:44 - Chakma Bible

⁴⁴ সে মানুচ্চুনে তারার্ সয়সাগোজ্যে ধনত্তুন্ দান গোজ্যন্, মাত্তর্ এ মিলেবোর অভাব থেলেয়ো বাঁজি থেবাত্তে তার্ যিগুন্ এলাক্ বেক্কুন্ দি দিলো।”

মার্ক 12:44 ပူးပေါင်းရင်းမြစ်များ

মার্ক 12:43

সেক্কে যীশু তা শিচ্চ্যগুনোরে ডাগিনে কলঅ, “মুই তমারে ঘেচ্চেক্‌‌গুরি কঙর্, এই নাঢা রানী মিলেবো অন্য বেক্কুনোত্তুন্ বোউত্ বেশ্ এই দান-বাক্‌‌সুবোত্ থলঅ।

মার্ক 14:8

তে যিয়েন্ পাজ্যে সিয়েন্ গোজ্যে। মরে কবরত্তে যুক্কোল্ গত্তে আর আগেবাগে মঅ কিয়্যেগান উগুরে তুম্বাজ্ তেল্ ঢালি দিয়্যে।

লূকে লেখ্যে গম্ হবর্ 15:12

চিগোন্ পুয়োবো তা বাবরে কলঅ, বাবা, মঅ ভাগ সম্বোত্তিগান্ মরে দে। সেক্কে সে মানুচ্চো তা দ্বিবে পুয়োরে সম্বোত্তিগানি ভাগ্ গুরি দিলো।

লূকে লেখ্যে গম্ হবর্ 15:30

মাত্তর্ তর্ এ পুয়োবো, যে বেশ্যে মিলেগুনো পিজেদি তর্ টেঙা-পোইজ্যেগুন্ উড়েই দিয়্যে, তে যেক্কে এলঅ তুই তাত্যে পক্তা-মক্তা গোরুছবো কাবিলে।

লূকে লেখ্যে গম্ হবর্ 8:43

তারা ইত্তুন্ এক্কো মিলে বার বজর্ ধুরি মিলেপীড়েত্ ভুগের্। ডাক্তরুনো পিজেদি তে তার্ বেক্কুন্ খরচ্ গোজ্যে, মাত্তর্ কনজনে তারে গম্ গুরি ন-পারন্।

দ্বি’লম্বর বিররণ 24:6

কজ্জর্‌ বন্ধক ইজেবে কারঅ চড়্‌গা কল্ বা তা উগুরে পাত্তরানঅ নেযানা ন-চলিবো, কিত্যে সেক্কে মানুচ্চোর্‌ বাঁজি থেবার্‌ উপাইয়ান বন্ধক নেযা অবঅ।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?