মার্ক 12:41 - Chakma Bible

⁴¹ ইয়েনর পরেদি যীশু উবোসনা-ঘরর্ দান-বাক্স কুরে বোইনে মানুচ্চুনোর টেঙা-পোইজ্যে দান গরানা খিয়েল্ গুরিলো। ভালোক্কুন্ তাগোয়্যে মানুচ্ বোউত্ টেঙা-পোইজ্যে দিলাক্।

মার্ক 12:41 ပူးပေါင်းရင်းမြစ်များ

২ রাজাবলী 12:9

ধর্মগুরু যিহোয়াদা সেক্কে এক্কো বাক্‌সু লোইনে সিবের্‌ ঢাগনিগানত্‌ এক্কো কানা গুরিলো। তে সিবে পূজোবোর্‌ কায়কুরে লগেপ্রভুর ঘরত্‌ সুমিবার জাগানত্‌ ডেনেন্দি রাগেল। যে ধর্মগুরুগুনে তবনা-ঘরত্‌ সুমিবার্‌ দোরানত্‌ চুগি দিদাক্‌ তারা লগেপ্রভুর ঘরত্‌ আন্যে বেক্‌ টেঙাগুন্‌ সে বাক্‌সুবোত্‌ রাগেদাক্‌।

মথি লেখ্যে গম্ হবর্ 27:6

আজল্ ধর্মগুরুগুনে সেই রূবোর্ টেঙাগুন্ লোইনে কলাক্, “এই টেঙাগুন্ উবোসনা-ঘরর্ তহবিলোত্ থনা ঠিগ্ নয়, কিয়া ইগুন্ লো-গানর্ দাম্।”

মার্ক 12:42

পরেদি এক্কো নাঢা রানী মিলে এইনে বানা দ্বিবে পোইজ্যে থলঅ।

যোহন 8:20

উবোসনা-ঘরত্ শিক্ষ্যে দিবার্ অক্তত্ দান্ দিবার জাগানত্ যীশু ইয়েনি বেক্কানি কলঅ। মাত্তর্ সেক্কেয়ো তার্ সময় ন-অয় বিলি কনজনে তারে ন-ধুরিলাক্।