মার্ক 12:40 - Chakma Bible

⁴⁰ এক কিত্তেদি তারা মানুচ্চুনোরে দেগেবাত্তে লাম্বা লাম্বা তবনা গরন্, অন্য কিত্তেদি রানী মিলেগুনোর সোম্বোত্তিগানি গজক্ গরন্। এ মানুচ্চুনোর বোউত্ বেশ্ সাজা অবঅ।”

মার্ক 12:40 ပူးပေါင်းရင်းမြစ်များ

যিহিষ্কেল 22:25

সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:14

ফক্কর্ ধর্ম-মাষ্টর আর ফরীশীগুন, অভিশাব্ পোড়োক্ তমার্! এক কিত্তেদি তুমি মানুচ্চুনোরে দেগেবাত্তে লাম্বা লাম্বা গুরি তবনা গরঅ, অন্য কিত্তেদি রানি মিলেগুনোর্ সোম্বোত্তিগানি গজক্ গরঅ। ইয়েনত্তে তমার্ বোউত্ বেশ্ সাজা অবঅ।

মথি লেখ্যে গম্ হবর্ 23:33

সাপ দল আর সাপর বংশগুন! কেধোক্ক্যেন্ গুরি তুমি নরগর্ সাজাত্তুন্ রোক্ষ্যে পেবা?

মথি লেখ্যে গম্ হবর্ 6:7

যেক্কে তুমি তবনা গরঅ সেক্কে অযিহূদীগুনো ধোক্ক্যেন্ অত্ত নেইয়্যে কধা বার্ বার্ ন-কোয়্য। অযিহূদীগুনে মনে গরন, বেশ্ কধা কলে গোজেনে তারার্ তবনাগানি শুনে।

মার্ক 12:39

তারা সমাজ-ঘরত্ আজল্ আজল্ আসনত্ আর হেবার অক্তত্ সর্মানর জাগাত্ ববাত্তে চান্।

লূকে লেখ্যে গম্ হবর্ 20:47

এক কিত্ত্যেদি তারা মানুচ্চুনোরে দেগেবাত্যে লাম্বা লাম্বা তবনা গরন্, অন্য কিত্ত্যেদি রানি মিলেগুনোর্ সোম্বোত্তিগানি গজক্ গরন্। এ মানুচ্চুনোর্ বউৎ বেশ্ সাজা অবঅ।”

২ করিন্হীয় 11:20

বানা সিয়েন নয়, যুনি কেঅ তমারে চাগর্ বানায়, তমারে বেক্কুনোরে ভস্ত গরে, তমারে ফালত্ ফেলায়, তমার্ গিরোজ্ অয় বা তমারে চুগোড়্ মারে, তুমি সিয়েনিয়ো সোজ্জ্য গরঅ।

২ তীমথিয় 3:6

এবাবোত্যে মানুচ্চুনো ভিদিরে কেঅ কেঅ ঘরে ঘরে সমেইনে চিদে-বিদে মিলেগুনোরে ভান্ন্যেই পধেদি নেযান। এ মিলেগুনো উগুরে পাপ বুক্ক্যে আঘে; তারা নানান্ কামনা-বাসনালোই চলন্।