মার্ক 12:33 - Chakma Bible

³³ আর বেক্ রিবেঙান্, বেক্ বুদ্ধিগান আর বেক্ বলান্দোই তারে কোচ্‌‌পানা আর পাড়াল্যেগুনোরে নিজো ধোক্ক্যেন কোচ্‌‌পানা য়েমান আহ্ অন্য বেক্ উৎসর্বত্তুন্ বোউত্ বেশ্ দরকারী।”

মার্ক 12:33 ပူးပေါင်းရင်းမြစ်များ

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

মথি লেখ্যে গম্ হবর্ 12:7

‘মুই দোয়্যেমেয়্যে দেগিবাত্তে চাং, য়েমান্-উৎসর্ব নয়’-বোইয়োর্ এ কধাগানর্ অত্ত যুনি তুমি জানিদা সালে নিদ্দুজিগুনোরে দুষি ন-গুরিদা।

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।

ইব্রীয় 10:8

উগুরে কধানি ভিদিরে পত্তমে খ্রীষ্ট কোইয়্যেদে, “য়েমান আর অন্য উৎসর্ব, পুজ্জ্যে-উৎসর্ব আর পাপত্যে উৎসর্ব তুই ন-চাজ্ আর সিয়েনিলোই হুজি ন-অচ্।” যুনিয়ো এই উৎসর্বয়ানি রীদি-সুদোমর্ উগুম মজিম গরা অদঅ তো তে এই কধানি কোইয়্যে।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।