মার্ক 12:28 - Chakma Bible

²⁸ এক্কো ধর্ম-মাষ্টরে সিয়েনত্ এলঅ যিবে তারার্ কধাবাত্তানি শুনিলো। তে দেগিলোদে যে সুদ্দুকিবোরে যীশু দোল্ জোব্ দিলো সেনত্যে তে এইনে তারে পুযোর্ গুরিলো, “কন্ উগুমান বেক্কুনোত্যে বেগত্তুন্ দরকারী উগুম্?”

মার্ক 12:28 ပူးပေါင်းရင်းမြစ်များ

মথি লেখ্যে গম্ হবর্ 19:18

সে গাবুজ্যে মরত্তো কলঅ, “কন্ কন্ উগুমানি?” যীশু কলঅ, “খুন্ ন-গুরিচ্, সিনেলী ন-গুরিচ্, চুর্ ন-গুরিচ্, মিজে সাক্ষি ন-দিচ্,

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

মথি লেখ্যে গম্ হবর্ 5:19

সেনত্তে উগুমানি ভিদিরে চিগোন্ এক্কান উগুম্অ যে কনজনে অমান্য গরে আর মান্‌‌জ্যরে সিয়েনি অমান্য গুরিবাত্তে শিক্ষ্যে দে তারে স্বর্গ-রেজ্যত্ বেগত্তুন্ চিগোন্ বিলি কুয়ো অবঅ। মাত্তর্ যে কনজনে সে উগুমানি মানে আর শিক্ষ্যে দে তারে স্বর্গ-রেজ্যত্ দাঙর্ কুয়ো অবঅ।

মার্ক 9:14

যীশু আর সেই তিনজন শিচ্চ্য অন্য শিচ্চ্যগুনো ইধু ফিরি এইনে দেগিলাক্, তারা চেরোকিত্তে বোউত্ মানুচ্ তুবেয়োন আর কয়েক্কো ধর্ম-মাষ্টর তারা সমারে কধা তর্কাতর্কি বাজেয়োন্।

লূকে লেখ্যে গম্ হবর্ 11:42

ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।

লূকে লেখ্যে গম্ হবর্ 20:39

সেক্কে কয়েক্কো ধর্ম-মাষ্টরে কলাক্, “মাষ্টরবাবু, তুই ঠিগই কোইয়োচ্।”