মার্ক 11:23 - Chakma Bible

²³ মুই তমারে ঘেচ্চেক্‌গুরি কঙর্, কেঅ মনত্ কনঅ সন্দেহ ন-গুরিনে এই মুড়োবোরে কঅ, ‘উদিনে সাগরত্ যেইনে পড়্,’ মাত্তর্ যে বিশ্বেজ্ গরে সিয়েনই অবঅ, সালে তাত্তে সিয়েনই গরা অবঅ।

মার্ক 11:23 ပူးပေါင်းရင်းမြစ်များ

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

মথি লেখ্যে গম্ হবর্ 14:13

যোহনর্ মরাণার্ হবর্ শুনিনে যীশু গায় গায় সিয়েনত্তুন্ নৌকোত্ গুরিনে মানুচ্ নেইয়্যে জাগাত্ গেলঅ। মানুচ্চুনে সে কধাগান্ শুনিনে নানান্ আদামত্তুন্ টেঙোই আঢিনে তা পিজে পিজে যাহ্ ধুরিলাক্।

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

মথি লেখ্যে গম্ হবর্ 21:21

জোবত্ যীশু তারারে কলঅ, “মুই তমারে ঘেচ্চেকগুরি কঙর্, তুমি সন্দেহ ন গুরিনে যুনি বিশ্বেজ্ গরঅ সালে ডোমোর্ গাজ্‌সো উগুরে মুই যিয়েন্ গোজ্যং তুমিয়ো সিয়েন্ গুরি পারিবা। বানা সিয়েন নয়, মাত্তর্ যুনি এই মুড়োবোরে কঅ, ‘উদিনে সাগরত্ যেইনে পড়্,’ সালে সিয়েন্অ অবঅ।

লূকে লেখ্যে গম্ হবর্ 17:6

প্রভু কলঅ, এক্কো সোজ্য-বিজি ধোক্ক্যেন্অ যুনি তমার্ বিশ্বেজ্ থায় সালে তুমি এই তুত গাচ্চোরে কোই পারিবা, শিঙোর্ সমত্ উদি যেইনে নিজোরে সাগরত্ গারেই থঅ; আর সে গাচ্চো তমা কধা শুনিবো।

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।