মার্ক 11:20 - Chakma Bible

²⁰ বেন্যেমাদান্ সে পথ্‌তানদি এবার্ অক্তত্ শিচ্চ্যগুনে দেগিলাক্ সে ডোমোর গাজ্‌চো শিঙৌর্ সুদ্ধো শুগেই যেইয়্যে।

মার্ক 11:20 ပူးပေါင်းရင်းမြစ်များ

ইয়োব 8:17

কুড়েয়্যে পাত্তরর্‌ চেরোকিত্তে তা শিঙোরানি বেড়া যেইয়্যে; পাত্তর ভিদিরে তে এক্কো গম্‌ জাগা পেইয়্যে।

যিশাইয় 40:24

যিয়েনি তারার্ লাগা অয়, যিয়েনি তারার্ বীজ্ ফেলা অয়, যিয়েনি তারা মাদিত্ শিঙোর্ বজান্, এমনে তে সিয়েনি উগুরে ফুন্ দে আর সিয়েনি শুগেই যায়; এক্কান তুট্যে বোইয়্যেরে লাড়াইদ্যে ধোক্ক্যেন্ গুরি তারারে উড়েই নেযায়।

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

মথি লেখ্যে গম্ হবর্ 13:6

মাত্তর্ বেলান্ উদোনার পরেদি সিগুন রোদে পুড়ি গেলাক্ আর শিঙোরানি গমেডালে ন-বজে বিলি শুগেই গেলাক্।

মথি লেখ্যে গম্ হবর্ 15:13

জোবত্ তে কলঅ, “যে চারাবো মর্ স্বর্গর্ বাপ্পো ন-লাগায় সিগুন বেক্কুন্ উগুরে ফেলা অবঅ। তারা কধা বাদ্ দুয়ো।

মথি লেখ্যে গম্ হবর্ 21:18

তার্ কেল্যে বেন্যে শঅরত্ ফিরি এবার্ অক্তত্ যীশুর পেট্ পুড়িলো।

মার্ক 11:12

তার্ কেল্যে যেক্কে তারা বৈথনিয়াত্তুন্ ফিত্ত্যন্ সেক্কে যীশুর পেট্ পুড়িলো।

মার্ক 11:14

সেনত্তে তে সে গাজ্‌চোরে কলঅ, “আর কনদিন্অ কেঅ যেন তঅ গুলোগুলিগুন ন-হান্।” শিচ্চ্যগুনে যীশুর এ কধাগান শুনিলাক্।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

ইব্রীয় 6:8

মাত্তর্ যে মাদিগানে কাদা-ঝুপ্ আর কাদা লেঙেরা জর্মায় সেই মাদিগান য়েলাফেলা ওই যায় আর সিয়েনত্ অভিশাব্ পড়িবার্ দর্ থায়। যেরেদি মান্‌জ্যে সিয়েন পুড়ি ফেলান্।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।