মার্ক 11:18 - Chakma Bible

¹⁸ আজল্ ধর্মগুরুগুনে আর ধর্ম-মাষ্টরুনে এ কধাগান শুনিনে যীশুরে মারে ফেলেবার্ পথ্‌তান্ তগা ধুরিলাক্। তারা যীশুরে দোরেদাক্, কিয়া মানুচ্চুনে যীশুর্ শিক্ষ্যেলোই আমক্ ওই যেইয়োন্।

মার্ক 11:18 ပူးပေါင်းရင်းမြစ်များ

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ রাজাবলী 22:18

সেক্কে ইস্রায়েলর রাজা যিহোশাফটরে কলঅ, “মুই কি তরে আগে ন-কঙ্‌, তে মঅ পৌইদ্যেনে অমংগল বাদে ভালেদির কধা ন-কব?”

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

মথি লেখ্যে গম্ হবর্ 21:15

তে যেদক্কানি আমক্ অবার্ কাম্ গোজ্যে আজল্ ধর্মগুরুগুনে আর ধর্ম-মাষ্টরুনে সিয়েনি দেগিলাক্। তারা উবোসনা-ঘর ভিদিরে চিগোন্ গুরোগুনে রঅ ছাড়িনে কদে শুনিলাক্, “হোশান্না, দায়ূদো গুট্টি!”

মথি লেখ্যে গম্ হবর্ 7:28

যীশু যেক্কে কধা কনা থুম্ গুরিলো সেক্কে মানুচ্চুনে তা শিক্ষ্যেলোই আমক্ ওই গেলাক্,

মার্ক 1:22

মানুচ্চুনে তা শিক্ষ্যেলোই আমক্ ওই গেলাক্, কিয়া তে ধর্ম-মাষ্টরুনো ধোক্ক্যেন্ শিক্ষ্যে ন-দের্ বরং যিবের্ অধিকার আঘে সেবাবোত্যে মান্‌জ্য ধোক্ক্যেন শিক্ষ্যে দের্।

মার্ক 11:32

মাত্তর্ যুনি কোই, ‘মান্‌জ্যত্তুন্,’ সালে?” তারা মানুচ্চুনোরে দোরেদাক্, কিয়া বেক্কুনে যোহনরে ঘেচ্চেক্‌গুরি এক্কো ভাববাদী বিলি মনে গুরিদাক্।

মার্ক 12:12

সেক্কে সেই ইহুদি নেতাগুনে যীশুরে ধুরিবাত্তে চেলাক্, কিয়া তারা বুঝিলাক্, হিত্ত্যবো যীশু তারা বিরুদ্ধে কোইয়্যে। মাত্তর্ তারা মানুচ্চুনো দরে যীশুরে ফেলেই গেলাক্।

মার্ক 3:6

সেক্কে ফরীশীগুনে বারেদি সমাজ-ঘরত গেলাক্ আর কিবাবোত্যেগুরি যীশুরে মারে ফেলা যায় সে পৌইদ্যেনে রাজা হেরোদ দল মানুচ্চুনো লগে সল্লা গরা ধুরিলাক্।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

লূকে লেখ্যে গম্ হবর্ 19:47

যীশু পত্তিদিন উবোসনা-ঘরত যেইনে শিক্ষ্যে দিয়্যে ধল্ল। আজল ধর্মগুরুগুনে, ধর্ম-মাষ্টরুনে আর মানুচ্চুনোর নেতাগুনে তারে মারে ফেলেবাত্তে চেলাক্,

লূকে লেখ্যে গম্ হবর্ 2:47

যিগুনে যীশুর্ কধা শুনোদন্ তারা বেক্কুনে তা বুদ্ধিগান্ দেগিনে আর তা জোব্‌পানি শুনিনে আমক্ ওইয়োন্।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

যোহন 7:1

ইয়েন পরেদি যীশু গালীল রেজ্যগান ভিদিরে আঢাউদো গরা ধুরিলো। যিহূদী নেতাগুনে তারে মারে ফেলেবাত্তে চেইয়োন্ বিলি তে যিহূদিয়া রেজ্যগানত্ আঢাউদো বন্ধ গুরি দিলো।

যোহন 7:19

মোশি কি তমারে রীতি-সুদোম ন-দে? মাত্তর্ তমা ভিদিরে কেঅ সেই রীতি-সুদোমানি-পালঅ। সালে কিত্ত্যে তুমি মরে মারে ফেলেবার্ চেষ্টা গরর্?”

যোহন 7:46

সেই চাগরুনে কলাক্, “মানুচ্চো যেবাবোত্যেগুরি কধা কয় সেবাবোত্যেগুরি আর কেঅ কনদিন্অ কধা ন-কয়।”

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”