মার্ক 11:14 - Chakma Bible

¹⁴ সেনত্তে তে সে গাজ্‌চোরে কলঅ, “আর কনদিন্অ কেঅ যেন তঅ গুলোগুলিগুন ন-হান্।” শিচ্চ্যগুনে যীশুর এ কধাগান শুনিলাক্।

মার্ক 11:14 ပူးပေါင်းရင်းမြစ်များ

মথি লেখ্যে গম্ হবর্ 21:19

পধ পাজারাত্ এক্কো ডোমোর্ গাজ্ দেগিনে তে গাজ্‌সো ইধু গেলঅ, মাত্তর্ সিবেত্ পাদা বাদে আর কিচ্চু ন-দেগিলো। সেক্কে তে গাজ্‌সোরে কলঅ, “আর কনদিন্অ তইধু গুলোগুলি ন-ধোরোদোক্।” আর সেক্কে ডোমোর্ গাজ্‌সো শুগেই গেলঅ।

মথি লেখ্যে গম্ হবর্ 21:33

“যীশু কলঅ, আর এক্কান্ উপমা দুয়োং, শুনো। এক্কো ভূইয়ো গিরোজে এক্কান্ আংগুর খেত্ গুরিনে সিয়েনর্ চেরোকিত্তে ঘিরি দিলো। পরেদি সেই খেদ ভিদিরে আংগুর-রস বানেবাত্তে গাঢ্ খুড়িলো আর এক্কান্ অজল্ চুগিদার ঘর বানেল। ইয়েনর্ পরেদি তে কয়েক্কো চাষাবলা ইধু সেই আংগুর খেদ্‌তান বাগা দিইনে বিদেশত্ গেলঅ।

মথি লেখ্যে গম্ হবর্ 21:44

যে এই পাত্তর্‌‍বো উগুরে পড়িবো তে ভাঙিনে কট্টা কট্টা ওই যেবঅ আর সেই পাত্তর্‌বো যিবে উগুরে পড়িবো তে ভস্ত ওই যেবঅ।”

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

মথি লেখ্যে গম্ হবর্ 7:19

যে গাজত্ গম্ ফল ন-ধরে সিবে কাবিনে আগুনোত্ ফেলেই দিয়্যে অয়।

মার্ক 11:13

সেক্কে ডোমোর্ গুলো পাগিবার্ অক্ত ন-এলঅ, মাত্তর্ তো তে দূরোত্তুন্ পাদালোই ঢাক্যে এক্কো ডোমোর্ গাজ্ দেগিনে সিবেত্ কনঅ ফল আঘে নাহি সিবে চেবাত্তে গেলঅ।

মার্ক 11:15

যিরূশালেমত্ লুমিনে যীশু উবোসনা-ঘরত্ সোমেল আর সিয়েনত্ যিগুনে বেজা-কিনে গত্তন্ তারারে ধাবেই দিলো। তে টেঙা বুদুলি দোন্দে মানুচ্চুনোর্ টেবিলানি আর যিগুনে কোদোর্ বেজদন্ তারার বুজিবার জাগায়ান্ উল্ল্যে দিলো।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”