মার্ক 10:52 - Chakma Bible

⁵² যীশু তারে কলঅ, “যাহ্, তুই বিশ্বেজ্ গোজ্যস্ বিলি গম্ ওইয়োচ্।” সিয়েন্দোই মানুচ্চো সেক্কে লগে লগে চোগেদি দেগিলো আর পধেদি যীশুর পিজে পিজে যাহ্ ধুরিলো।

মার্ক 10:52 ပူးပေါင်းရင်းမြစ်များ

গীতসংহিতা 146:8

লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 15:28

সেক্কে যীশু তারে কলঅ, “যদবদে তঅ বিশ্বেজ্‌চান অমকদ বেশ্। তুই যেবাবোত্যে চাজ্ সেবাবোত্যে ওক্।” আর সেক্কে তা ঝিবো গম্ ওই গেলঅ।

মথি লেখ্যে গম্ হবর্ 21:14

ইয়েনর্ পরেদি কান্ আর লেং মানুচ্চুনে উবোসনা-ঘরত্ যীশু ইধু এলঅ, আর তে তারারে গম্ গুরিলো।

মথি লেখ্যে গম্ হবর্ 8:3

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

মথি লেখ্যে গম্ হবর্ 9:22

যীশু ফিরিনে তারে দেগিনে কলঅ, “সাহস গর্, মা! তুই বিশ্বেজ্ গোজ্যস্ বিলি গম্ ওইয়োচ্।” সেই সময়ত্তুন্ ধুরি মিলেবো গম্ অলঅ।

মার্ক 1:31

সেক্কে যীশু তা কায়কুরে যেইনে আত্তান্ ধুরিনে তারে তুলিলো। সেক্কে তা জ্বরান্ গম্ অলঅ আর তে তারার্ হানা-দানার্ যুক্কোল্ গুরিলো।

মার্ক 5:34

যীশু তারে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্, তর্ আর এ দুঘ্‌কান ন-ওক্।”

মার্ক 8:25

যীশু আর একবার মানুচ্চোর চোগ্‌কুনো উগুরে আঢ্ দিলো। এবারত্ তা চোগ্‌কুন্ খুলি গেলাক্ আর তে দেগিবার্ খেমতাগান্ ফিরি পেলঅ। তে গমেডালে বেক্কানি দেগা ধুরিলো।

লূকে লেখ্যে গম্ হবর্ 7:50

যীশু সেক্কে সেই মিলেবোরে কলঅ, “তুই বিশ্বেজ্ গোজ্যস্ বিলি পাপত্তুন্ উদ্ধোর্ পেইয়োচ্। সুগে-শান্দিয়্যে যাহ্।”

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

যোহন 9:32

পিত্‌থিমী সৃট্টির্ পরেত্তুন্ ধুরিনে কনদিন্অ শুনো ন-যায়, জর্মত্তুন্ ধুরি কানা এমন্‌ কনঅ মান্‌জ্যর্ চোগ্ কেঅ মেলি দিয়্যে।

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”