মার্ক 10:43 - Chakma Bible

⁴³ মাত্তর্ তমা ভিদিরে সেধোক্ক্যেন্ অনা উচিত নয়, বরং তমা ভিদিরে যে দাঙর্ অবাত্তে চায় তাত্তুন্ তমার সেবাগুরিয়্যে উয়ো পড়িবো,

মার্ক 10:43 ပူးပေါင်းရင်းမြစ်များ

মার্ক 10:42

সেক্কে যীশু বেক্ থুবেয়্যে গুনোরে ডাগিনে কলঅ, “তুমি হবর্ পঅ, অযিহূদীগুনোর্ শাসন গুরিয়্যেগুনে অযিহূদীগুনোর প্রভু অন্ আর তারার্ নেতাগুনে তারা উগুরে উগুম চালান্।

মার্ক 10:44

আর যুনি যে পত্তম্ অবাত্তে চায় তাত্তুন্ বেক্কুনোর চাগর্ উয়ো পড়িবো।

মার্ক 9:35

যীশু বুজিলো আর সেই বারজন শিচ্চ্যরে ডাগিনে কলঅ, “কেঅ যুনি আজল্লো অবাত্তে চায় সালে তাত্তুন্ বেক্কুনো শেজত্ থাহ্ পড়িবো আর বেক্কুনোর সেবাগুরিয়্যে উয়ো পড়িবো।”

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

লূকে লেখ্যে গম্ হবর্ 18:14

“মুই তমারে কঙর্, সেই খাজানা-তুলিয়্যেবোরে গোজেনে নিদ্দুজি বিলি মানি লল আর তে ঘরত্ ফিরি গেলঅ। মাত্তর্ সেই ফরীশীবোরে তে নিদ্দুজি বিলি মানি ন-লল। যে কেঅ নিজোরে অজল্ গরে তারে তলে গরা অবঅ আর যে নিজোরে তলে গরে তারে অজল্ গরা অবঅ।”

লূকে লেখ্যে গম্ হবর্ 22:26

মাত্তর্ তমা ভিদিরে এবাবোত্যে অনা উচিত নয়। তমাত্তুন্ যে বেগত্তুন্ দাঙর্, তে বরং বেগত্তুন্ যে চিগোন্ তা ধোক্ক্যেন্ ওক্, আর যে নেতা, তে সেবাগুরিয়্যে ধোক্ক্যেন্ ওক্‌।

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

যোহন 18:36

যীশু কলঅ, “মঅ রেজ্যগান্ এ জগদর্ নয়। যুনি মঅ রেজ্যগান্ এ জগদর্ অদঅ সালে মুই যাতে যিহূদী নেতাগুনো আঢত্ ন-পড়ং সেনত্তে মঅ মানুচ্চুনে যুদ্ধো গুরিদাক্; মাত্তর্ মঅ রেজ্যগান্ দঅ ইধুগোর্ নয়।”

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,