মার্ক 10:32 - Chakma Bible

³² যীশু আর তা শিচ্চ্যগুনে ইক্কিনে যিরূশালেমর পধেদি যাহ্ ধুরিলাক্। যীশু তা শিচ্চ্যগুনোর আগে আগে আদের্; শিচ্চ্যগুনে আমক্ ওইনে তা সমারে যাদন্ আর যে মানুচ্চুনে পিজেদি এত্তন্ তারা দোরেই দোরেই আঢদন্। যীশু আরঅ তা বারজন শিচ্চ্যরে এক কিত্ত্যেদি ডাগি নিইনে নিজো উগুরে কি অবাত্তে যার্ সিয়েনি তারারে কুয়ো ধুরিলো।

মার্ক 10:32 ပူးပေါင်းရင်းမြစ်များ

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 4:34

হিত্ত্য বাদে তে তারারে শিক্ষ্যে ন-দিদো, মাত্তর্ শিচ্চ্যগুনে যেক্কে তা সমারে গায় গায় থেদাক্ সেক্কে তে বেক্কানি তারারে বুঝেই দিদো।

লূকে লেখ্যে গম্ হবর্ 10:23

যেরেদি তে শিচ্চ্যগুনো ইন্দি ফিরিনে তারারে ভিদিরে ভিদিরে কলঅ, “তুমি যিয়েনি যিয়েনি দেগর্, সিয়েনি যিগুনে দেগদন্ তারা বর্‌পেইয়্যে।

লূকে লেখ্যে গম্ হবর্ 19:28

এ বেক্ কধানি কনার্ পরেদি যীশু তারা আগে আগে যিরূশালেম ইন্দি যাহ্ ধুরিলো।

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 11:16

সেক্কে থোমা, যারে দিদুম কুয়ো অয়, তা সমাজ্যে-শিচ্চ্যগুনোরে কলঅ, “যেই, আমিয়ো যেই, যেন তা সমারে মুরি পারিই।”

যোহন 11:8

শিচ্চ্যগুনে তারে কলাক্, মাষ্টর্ বাবু, এ কয়েক্ দিন আগে নেতাগুনে তরে পাত্তর্ মারিবাত্তে চেইয়োন্, তুই আরঅ সিধু যর্?