মার্ক 10:24 - Chakma Bible

²⁴ শিচ্চ্যগুনে যীশুর কধা শুনিনে আমক্ অলাক্। মাত্তর্ যীশু আরঅ কলঅ, “পুয়োগুন্, গোজেন রেজ্যত্ সমানা কত্তমান্ আগাত্ত্যে।

মার্ক 10:24 ပူးပေါင်းရင်းမြစ်များ

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গীতসংহিতা 52:7

“উইয়োবো চাহ্, সেই মানুচ্চো গোজেনরে তার্ আশ্রয়-জাগা ন-গরে; তার বোউত্ ধন-সোম্বোত্তি উগুরে তে নির্ভর গোজ্যে আর ভান্ন্যেই কামনা-বাসনার বল্লোই নিজোরে বোলীবন্ধ গোজ্যে।”

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 11:28

যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

গম্ উপদেজ্ 18:11

তাগোয়্যেগুনোর ধন তারার দেবাল্-ঘিজ্যে শঅর; তারার ধনানরে তারা মনে গরন্ রোক্ষ্যেগুরিয়্যে দেবাল্।

গম্ উপদেজ্ 23:5

ধন-সোম্বোত্তি ইন্দি একবার রিনি চেলে দেগিবে সিয়েনি আর্ নেই, কিয়া সিয়েনিত্ পুয়োর্ গেজেব আর ঈগল ধোক্ক্যেন আগাজত্ উড়ি যেবঅ।

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

হবক্‌‌‌‌কূক 2:9

জাদ্‌‌‌তুনে কবাক্‌, অভিশাব্ পোড়োক্ তার্, যে অন্যেয় গুরিনে লাভবান্ ওইনে তার্ থেবার ঘরান্ তুলে যেনে তে গমেডালে থেই পারে আর দযাত্তুন্ রোক্ষ্যে পায়।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

মথি লেখ্যে গম্ হবর্ 19:25

যেক্কেনে শিচ্চ্যগুনে এ কধাগান শুনিলাক্, তারা আমক্ ওইনে কলাক্, “সালে কন্না পাপত্তুন্ উদ্ধোর্ গুরি পারে?”

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 10:23

সেক্কে যীশু চেরোকিত্তে রিনি চেইনে তা শিচ্চ্যগুনোরে কলঅ, “থাগোইয়্যে মান্‌জ্যর্ পক্ষে গোজেন রেজ্যত্ সমানা কত্তমান্ আগাত্ত্যে!”

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

যোহন 13:33

“পুয়োলগ্, আর বানা কিজু সময় মুই তমা সমারে আঘং। তুমি মরে তোগেবা, মাত্তর্ মুই যিহূদী নেতাগুনোরে যেবাবোত্যে কোইয়োং, ‘মুই যিধু যাঙর্ তুমি সিধু এই ন-পারিবা,’ সেবাবোত্যে তমারেয়ো ইক্কিনে সিয়েন্ কঙর্।

যোহন 21:5

তে শিচ্চ্যগুনোরে কলঅ, “মঅ সমাজ্যেগুন্, কনঅ কিজু ন-পঅ?” তারা কলাক্, “নাঢে, ন-পেই।”

যোহন 6:60

তা শিচ্চ্যগুনোত্তুন্ ভালোক্‌জনে এ কধাগান্ শুনিনে কলাক্, “ইয়েন্ ভারী আগাত্ত্যে শিক্ষ্যে। কন্না ইয়েন্ মানি লোই পারে?”

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

১ যোহন 5:21

পুয়ো-ছা লগ্, মূত্তি সমারে তমার কনঅ মিলেমিলি ন-থোক্।

ফগদাং পেইয়্যে 3:17

তুই কত্তে, মুই থাগোইয়্যে; মুই দাঙর্ মানুচ্‌ ওইয়োং, সেনত্যে মর্ কনঅ কিজুর্ অভাব নেই। ভারী গম, মাত্তর্ তুই দঅ হবর্ ন-পাজ্, তুই দুখ্যে, দোয়্যের্ মানুচ্, নাঢা, কানা আর লাংদা।