মার্ক 10:22 - Chakma Bible

²² যেক্কেনে এ কধাগান মানুচ্চো শুনিলো, তা মুয়োন শুগুনো ওই গেলঅ। কিয়া তে ভারী থাগোইয়্যে মানুচ্ এলঅ বিলিনে দুঘ্ পেইনে গেলগোই।

মার্ক 10:22 ပူးပေါင်းရင်းမြစ်များ

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 19:22

যেক্কেনে এ কধাগান গাবুর্ মরত্তো শুনিলো, তে দুঘ্ পেইনে গেলগোই, কিয়া তে ভারী থাগোইয়্যে মানুচ্ এলঅ।

মথি লেখ্যে গম্ হবর্ 27:3

যীশুরে শত্রুগুনো আঢত্ যে ধুরি দিয়্যে সেই যিহূদা যেক্কে দেগিলো যীশুরে বিচেরত্ দুষি বিলি ঠিগ্ গরা ওইয়্যে সেক্কে তার্ মনত্ দুঘ্ অলঅ। তে আজল্ ধর্মগুরু আর বুড়ো নেতাগুনো ইধু সেই তিরিস্‌চো রূবোর্ দীনার্ ফিরেই দিইনে কলঅ,

মার্ক 10:21

ইয়েন্দোই যীশু তা ইন্দি রিনি চেলঅ আর অমকদ কোচ্‌‌‍পেইনে তারে কলঅ, “এক্কান জিনিস তর্ বাগি আঘে। যাহ্, তর্ যিয়েনি আঘে সিয়েনি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মার্ক 10:23

সেক্কে যীশু চেরোকিত্তে রিনি চেইনে তা শিচ্চ্যগুনোরে কলঅ, “থাগোইয়্যে মান্‌জ্যর্ পক্ষে গোজেন রেজ্যত্ সমানা কত্তমান্ আগাত্ত্যে!”

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

মার্ক 6:26

এ কধাগান শুনিনে রাজা হেরোদে অমকদ মনত্ দুঘ্ পেলঅ, মাত্তর্ হানাত্ ভাত্যেয়্যে গর্বাগুনো মুজুঙোত্ শমক্ হেইয়্যে বিলিনে ঝিবোরে ফিরেই দিবাত্তে ন-চেলঅ।

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

লূকে লেখ্যে গম্ হবর্ 18:23

মাত্তর্ যেক্কেনে এ কধাগান্ মানুচ্চো শুনিলো, তে ভারী দুঘ্ পেলঅ, কিয়া তে জদবদে থাগোইয়্যে মানুচ্ এলঅ।

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;