মার্ক 10:17 - Chakma Bible

¹⁷ যীশু পধেদি আরঅ যেক্কে যাহ্ ধুরিলো সেক্কে এক্কো মানুচ্ দাবা দাবা তাইধু এলঅ আর তা মুজুঙোত্ আঢু পাড়িনে পুযোর্ গুরিলো, “ও মাষ্টরবাবু, উমর জিংকানি পেবাত্তে মুই কি গুরিম্?”

মার্ক 10:17 ပူးပေါင်းရင်းမြစ်များ

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

মথি লেখ্যে গম্ হবর্ 17:14

যীশু আর তা শিচ্চ্যগুনে যেক্কে মানুচ্চুনো ইধু ফিরি এলাক্ সেক্কে এক্কো মানুচ্ এইনে যীশু মুজুঙোত্ আঢু পাড়িনে বোইনে কলঅ,

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

মার্ক 1:40

পরেদি এক্কো ফারাঙীবলা পিড়েল্ল্যে যীশু ইধু এইনে তা মুজুঙোত্ আঢু পাদিনে কলঅ, “তুই আয়োচ্ গুরিলে মরে গম্ গুরি পারচ্।”

মার্ক 10:18

যীশু তারে কলঅ, “মরে গম্ কর্ কিত্তে? গোজেনে বাদে আর কেঅ গম্ নয়।

মার্ক 12:14

তারা যীশু ইধু এইনে কলাক্, “গুরু, আমি হবর্ পেই তুই এক্কো গম্ মানুচ্। মান্‌‌জ্যে কি মনে গুরিবাক্ ন-গুরিবাক্, সিয়েনিলোই তর্ কি অয়, কিয়া তুই কারঅ মুয়োন্ চেইনে কিচ্চু ন-গরচ্। তুই সত্যগুরিনে গোজেনর পথ্‌তান পৌইদ্যেনে শিক্ষ্যে দি থাচ্। ইক্কিনে তুই কঅ, মোশির সুদোম মজিম্ রোম-সম্রাটরে কি খাজানা দেনা উচিত?

মার্ক 9:25

ভালোক্কুন্ মানুচ্ দাবা এত্তন্ দেগিনে যীশু সেই ভান্ন্যেই আত্মাবোরে ধমক্ দিইনে কলঅ, “ও কাল্ আর ববা আত্মাবো, মুই তরে উগুম্ দুয়োঙর্, ইবে ভিদিরেত্তুন নিগিল্; আর কনদিন্অ ইবে ভিদিরে ন-সোমেচ্।”

লূকে লেখ্যে গম্ হবর্ 10:25

এক্কো ধর্ম-মাষ্টরে যীশুরে যগা চেবাত্তে তাইধু এলঅ। তে কলঅ, “মাষ্টরবাবু, কেধোক্ক্যেন গুরিনে মুই উমর জিংকানি পেম্?”

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

প্রেরিত্‌ 16:30

সে পরেদি তে পৌল আর সীলরে বারেদি আনিনে পুযোর্ গুরিলো, “কধে চাং, পাপত্তুন্ উদ্ধোর্ পেবাত্যে মত্তুন্ কি গরা পুরিবো?”

প্রেরিত্‌ 2:37

এ কধাগান শুনিনে মানুচ্চুনে মনত্ আঘাত্ পেলাক্। তারা পিতর আর অন্য দিপাধেয়্যেগুনোরে পুযোর্ গুরিলাক্, “ভেইলগ, আমি কি গুরিবোং?”

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

তীত 3:7

যেন আমি উমর জিংকানির্ আশ্বাস্ পেইনে গোজেনর্ বেক্কানির্ অধিকারী ওই। ইয়েন সম্ভব ওইয়্যেদে, কিয়া গোজেনর্ দোয়্যের্ মাধ্যমে আমারে নিদ্দুজি বিলি মানি লুয়ো ওইয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।