মার্ক 1:5 - Chakma Bible

⁵ সেক্কে যিহূদিয়া রেজ্যত্ আর যিরূশালেম শঅরর্ বেক্কুনে নিগিলিনে যোহন ইধু এজা ধুরিলাক্। তারা যেক্কে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

মার্ক 1:5 ပူးပေါင်းရင်းမြစ်များ

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

মথি লেখ্যে গম্ হবর্ 4:25

গালীল, দিকাপলি, যিরূশালেম, যিহূদিয়া আর যর্দনর অন্য পারত্তুন্ বোউত্ মানুচ্ যীশুর পিজে পিজে যাহ্ ধুরিলাক্।

মার্ক 1:4

সে কধামজিম্ বাপ্তিষ্মদিয়্যে যোহনে ধূল্যেচর-চাগালাত্ যেইনে মানুচ্চুনোরে বাপ্তিষ্ম দের্ আর ফগদাং গরের্ যেন মান্‌জ্যে পাপর্ খেমা পেবাত্তে পাপত্তুন্ মনানি ফিরেন্ আর বাপ্তিষ্ম লন্।

মার্ক 1:6

যোহনে উটোর্ কেজ কাবড় উরিদো আর তা কমরত্ চামড় কমর্-বিজোনি এলঅ, আর তার্ হানাগান এলঅ ঝার মধু আর পুগ্‌‌-যুগ্।

যোহন 1:28

যর্দন গাঙর্ উকুলে বৈথনিয়া আদামত্ যিয়েনত্ যোহনে বাপ্তিষ্ম দের্ সিয়েনত্ ইয়েনি বেক্কানি ঘোট্যে।

যোহন 3:23

শালীম নাঙে এক্কান্ আদাম ইধু ঐনোন বিলি এক্কান্ জাগাত্ সেক্কে যোহনেয়ো বাপ্তিষ্ম দের্, কিয়া সে জাগানত্ বোউত্ পানি এলঅ আর মানুচ্চুনেয়ো এইনে বাপ্তিষ্ম লদন্।

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

প্রেরিত্‌ 19:18

যিগুনে প্রভু যীশু উগুরে বিশ্বেজ্ গোজ্জ্যন্ এবাবোত্যে বোউত্ মানুচ্ সেক্কে এইনে খুলোমেলাগুরি তারার্ ভান্ন্যেই কাম পৌইদ্যেনে স্বিগের্ গুরিলাক্।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”