মার্ক 1:41 - Chakma Bible

⁴¹ মানুচ্চোরে যীশুর্ অমকদ চিত্ পুরিলো। তে আঢ্‌তান বাবেইনে তারে ধুরিনে কলঅ, “মুই সিয়েনই চাং, তুই গম্ অ।”

মার্ক 1:41 ပူးပေါင်းရင်းမြစ်များ

পত্থম 1:3

গোজেনে কলঅ, “পহ্‌র ওক্‌।” আর সেক্কে পহ্‌র অলঅ। তে দেগিলোদে সিয়েন জদবদে দোল্‌ ওইয়্যে। তে আন্ধারত্তুন্‌ পহ্‌রানরে ফারক্‌ গুরিনে পহ্‌রান নাঙান্‌ দিলো দিন আর আন্ধারান নাঙান্‌ দিলো রেত্‌। এধোক্কেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ পত্তম দিনোত্‌।

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

মার্ক 1:40

পরেদি এক্কো ফারাঙীবলা পিড়েল্ল্যে যীশু ইধু এইনে তা মুজুঙোত্ আঢু পাদিনে কলঅ, “তুই আয়োচ্ গুরিলে মরে গম্ গুরি পারচ্।”

মার্ক 1:42

থিক্ সেক্কে তা ফারাঙীয়ানি গম্ ওই গেলঅ।

মার্ক 4:39

যীশু উদিনে বোইয়্যেরানরে ধমক্ দিলো আর সাগরানরে কলঅ, “থাম্, জুরঅ অ।” সেক্কে বৌইয়্যেরান্ থামেল আর বেক্কানি জদবদে জুরঅ ওই গেলঅ।

মার্ক 5:41

মিলেবোর্ বয়চ এলঅ বার বজর্। যীশু মিলেবো আঢ্‌তান ধুরিনে কলঅ, “টালিথা কুম্‌,” অত্তাৎ “চিজি, তরে কঙত্তে, উঠ্।” আর সেক্কেনে মিলেবো উদিনে আঢি বেড়া ধুরিলো। সেক্কে তারা অমকদ আমক্ ওই গেলাক্।

মার্ক 6:34

যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।