মার্ক 1:32 - Chakma Bible

³² সে দিন্ন্যে বেলান্ ডুবোনার পরেদি সাজোন্ন্যে অক্তত্ মানুচ্চুনে বেক্‌ পিড়েল্ল্যেগুনোরে আর ভুদে পেয়্যে মানুচ্চুনোরে যীশু ইধু আনিলাক্।

মার্ক 1:32 ပူးပေါင်းရင်းမြစ်များ

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 8:16

সাজোন্যে অলে পরেদি মানুচ্চুনে ভুদে পেইয়্যে ভালোক্ জনরে যীশু ইধু আনিলাক্। তে মুয়ো কধালোই সেই ভুত্‌তুনোরে ধাবেল আর যিগুনে অসুগ্ এলাক্ তারারে বেক্কুনোরে গম্ গোরেল।

মথি লেখ্যে গম্ হবর্ 8:17

ইয়েনি বেক্কানি ঘুদিলো যেন ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পূরোণ অয়: তে আমার্ বেক্ বল্‌পোজ্যেগানি তুলি নিলো, আর আমা পীড়েগানি গম্ গুরিলো।

মার্ক 1:21

যীশু আর তা শিচ্চ্যগুনে কফরনাহূম শঅরত্ গেলাক্। পরেদি জিরেবার্ দিনোত্ যীশু সমাজ-ঘরত্ যেইনে শিক্ষ্যে দিয়্যে ধুরিলো।

মার্ক 1:31

সেক্কে যীশু তা কায়কুরে যেইনে আত্তান্ ধুরিনে তারে তুলিলো। সেক্কে তা জ্বরান্ গম্ অলঅ আর তে তারার্ হানা-দানার্ যুক্কোল্ গুরিলো।

লূকে লেখ্যে গম্ হবর্ 4:40

বেলান্ ডুবিবার্ অক্তত্ মানুচ্চুনে বেক্ পীড়েল্যেগুনোরে যীশু ইধু আনিলাক্। তারা নানান্ বাবোত্যে পীড়েত্ ভুগোদন্। যীশু তারারে পত্তিজন কিয়্যেত্ আঢ্ দিইনে তারারে গম্ গুরিলো।

লূকে লেখ্যে গম্ হবর্ 4:41

বোউত্ মান্‌জ্য ভিদিরেত্তুন্ ভান্ন্যেই আত্মাগানিয়ো নিগিলি গেলঅ। সেই ভান্ন্যেই আত্মাগানিয়ে রঅ ছাড়িনে কলঅ, “তুই গোজেনর পুয়ো।” তে যে মশীহ সিয়েন তারা হবর্ পেদাক্। ইয়েনত্তে তে ধমক্ দিইনে তারার্ মুয়োনি নাঢি দিলো।