মার্ক 1:27 - Chakma Bible

²⁷ এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 1:27 ပူးပေါင်းရင်းမြစ်များ

মথি লেখ্যে গম্ হবর্ 15:31

মানুচ্চুনে যেক্কে দেগিলাক্ ববা কধা কর্, আঢুড়ে গম্ অর্, লেঙ্ মান্‌জ্যে আঢাউদো গত্তন্ আর কান্ মান্‌জ্যে দেগদন্, সেক্কে তারা আমক্ অলাক্ আর ইস্রায়েলীয়গুনোর গোজেনরে বাঈনী গরা ধুরিলাক্।

মথি লেখ্যে গম্ হবর্ 8:9

মুই এ কধাগান হবর্ পাং কিয়া মত্তুন্অ অন্যগুনোর্ কধামজিম্ চলা পড়ে আর সৈন্যগুনে মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে। মঅ চাগর্‌বোরে ‘ইয়েন গর্’ কলে তে সিয়েন্ গরে।”

মথি লেখ্যে গম্ হবর্ 9:33

যীশু সেই ভুদ্‌তোরে ধাবেই দেনার্ পরেদি মানুচ্চো কধা কুয়ো ধুরিলো। সেক্কে বেক্কুনে আমক্ ওইনে কলাক্, “ইস্রায়েল দেজত্ আর কনদিন্‌অ এবাবোত্যে দেগা ন-যায়।”

মার্ক 1:26

সেই ভুদ্‌‌‌তো সেক্কে মানুচ্চোরে মুজুরি ধুরিলো আর কিজেক্ ছাড়িনে তা ভিদিরেত্তুন্ নিগিলি গেলঅ।

মার্ক 1:28

ইয়েন্দোই গালীল রেজ্যর্ বেক্‌ জাগানিত্ যীশুর কধা ছিদি পড়িলো।

মার্ক 10:24

শিচ্চ্যগুনে যীশুর কধা শুনিনে আমক্ অলাক্। মাত্তর্ যীশু আরঅ কলঅ, “পুয়োগুন্, গোজেন রেজ্যত্ সমানা কত্তমান্ আগাত্ত্যে।

মার্ক 10:32

যীশু আর তা শিচ্চ্যগুনে ইক্কিনে যিরূশালেমর পধেদি যাহ্ ধুরিলাক্। যীশু তা শিচ্চ্যগুনোর আগে আগে আদের্; শিচ্চ্যগুনে আমক্ ওইনে তা সমারে যাদন্ আর যে মানুচ্চুনে পিজেদি এত্তন্ তারা দোরেই দোরেই আঢদন্। যীশু আরঅ তা বারজন শিচ্চ্যরে এক কিত্ত্যেদি ডাগি নিইনে নিজো উগুরে কি অবাত্তে যার্ সিয়েনি তারারে কুয়ো ধুরিলো।

মার্ক 16:5

সেনত্যে তারা গোরানত্ সোমেলাক্, সিয়েনত্ তারা দেগিলাক্ ধুব্ কাবড়-উজ্যে এক্কো গাবুর্ মানুচ্ ডেনেদি বুয়োই আঘে। সেনত্যে তারা অমকদ আমক্ অলাক্।

মার্ক 16:6

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

মার্ক 7:37

এ ঘটনাগান্দোই মানুচ্চুনে অমকদ আমক্ ওইনে কলাক্, “ইবে বেক্ কামানি কদক্ গমেডালে গরে। ইবে বহ্‌‌রাগুনোর্ শুনিবার বল্ আর ববাগুনোর্ কধা কবার খেমতা দে।”

লূকে লেখ্যে গম্ হবর্ 4:36

ইয়েনত্ বেক্কুনে আমক্ ওইনে নিজো ভিদিরে কুয়ো কি গরা ধুরিলাক্, “ইয়েন কিবাবোত্যে কধা! অধিকার আর খেমতালোই তে ভান্ন্যেই আত্মাগুনোরে উগুম্ দে আর তারা নিগিলি যান্!”

লূকে লেখ্যে গম্ হবর্ 9:1

ইয়েনর্ পরেদি যীশু সেই বারজন শিচ্চ্যরে ডাগিনে এগত্তর্ গুরিলো আর বেক্ ভান্ন্যেই আত্মা উগুরে খেমতা আর অধিকার্ দান গুরিলো। তে তারারে পীড়ে গম্ গুরিবার্ খেমতায়ো দিলো।

প্রেরিত্‌ 17:19

সেক্কে সেই মাষ্টরুনে পৌলরে আরেয়পাগের সভা মুজুঙোত্ আনিলাক্। সিধু তারা পৌলরে পুযোর্ গুরিলাক্, “যে নুয়ো শিক্ষ্যেগান্ তুই দুয়োর্ সিয়েন কি, সিয়েন্ কি আমি জানি পারিই?