মার্ক 1:15 - Chakma Bible

¹⁵ “সময় ওইয়্যে, গোজেন রেজ্যগান্ কায়-কুরে লুম্মেগি। তুমি পাপত্তুন্ মনানি ফিরো আর এ গম্ হবরান্ বিশ্বেজ্ গরঅ ।”

মার্ক 1:15 ပူးပေါင်းရင်းမြစ်များ

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

মথি লেখ্যে গম্ হবর্ 10:7

তুমি যাদে যাদে এ কধাগান ফগদাং গরঅ, স্বর্গ-রেজ্যগান্ কায়কুরে এইচ্চ্যে।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

লূকে লেখ্যে গম্ হবর্ 10:11

তমা আদামর্ যে ধূল্যেগানি আমা টেঙত্ বাস্যে সিয়েনিয়ো আমি তমা বিরুদ্ধে ঝাড়ি ফেলেলং। তো তুমি জানি রাগেয়ো, গোজেন রেজ্যগান্ কায়-কুরে লুম্মেগি।

লূকে লেখ্যে গম্ হবর্ 10:9

সে আদামর্ পীড়েল্যেগুনোরে গম্ গরঅ আর তারারে কঅ, গোজেন রেজ্যগান্ তমা কায়-কুরে লুম্মেগি।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

১ তীমথিয় 2:6

তে বেক্‌ মানুচ্চুনোর উদ্ধোরর্ দাম ইজেবে নিজোর জিংকানিগান দিয়্যে। গোজেনর্ ঠিগ গোজ্জ্যে সময়োত্ সে পৌইদ্যেনে সাক্ষ্য দিয়্যে ওইয়্যে,

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।