মীখা 7:19 - Chakma Bible

¹⁹ তুই আরঅ আমা উগুরে মেয়্যে গুরিবে; তুই আমা বেক্ পাপ্‌পানি টেঙোই উড়িবে আর আমা বেক্ অন্যেয়ানি সাগর গভীন পানিত্ ফেলেই দিবে।

মীখা 7:19 ပူးပေါင်းရင်းမြစ်များ

২ শমূয়েল 24:14

সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 130:8

তেয়ই ইস্রায়েলরে তার বেক্ অন্যেয়ানিত্তুন্ উদ্ধোর্ গুরিবো।

গীতসংহিতা 85:3

তর্ বেক রাগ্‌কান তুই দূর্ গুরি দুয়োচ্ আর তর্ অমকদ রাগত্তুন্ ফিজ্জোস্।

যিশাইয় 33:24

সিয়োনত্ বজত্তিগুরিয়্যে কনজনে ন-কবাক্, “মুই অসুগ্।” যিগুনে সিয়েনত্ বজত্তি গরন্ তারার পাপ্‌‌পানি খেমা গরা অবঅ।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 33:8

মঅ বিরুদ্ধে তারা যেদক্কানি পাপ গোজ্যন্ সিয়েনিত্তুন্ তারারে শুদ্ধো গুরিম আর মঅ বিরুদ্ধে গোজ্যে তারার বেক অন্যেয়ানি আর উল্লোমীগানি খেমা গুরিম।

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

আবিলেচ্ 3:22

লগেপ্রভুর অমকদ কোচ্‌পানাত্তে আমি ভস্ত ন-ওর্, কিত্তে তার্ মেয়্যেগান কনদিন্‌অ শেজ্ ন-অয়;

আবিলেচ্ 3:32

যুনি বা তে দুঘ্ দে, তো তার্ অমকদ কোচ্‌‌‌পানা মজিম্ তে মেয়্যে গুরিবো,

যিহিষ্কেল 18:22

তে যেদক্কানি অন্যেয় গোজ্যে সিয়েনি মুই আর মনত্ ন-রাগেম। তে যেদক্কানি গম্ কাম গোজ্যে সিয়েনিত্তে তে বাঁজিবো।

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

সখরিয় 3:4

সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

দ্বি’লম্বর বিররণ 30:3

সেক্কে লগেপ্রভু বোন্দীদজাত্তুন উদ্ধোর্ গুরিনে তমারে ফিরেই আনিবো। তে তমা উগুরে দোয়্যে গুরিবো আর যিদুক্কুন জাদ ভিদিরে তমারে ছিদি দিবো তারা ভিদিরেত্তুন তে আরঅ তমারে তোগেই আনিবো।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 8:12

সেনত্যে মুই তারার্ অন্যেয়ানি ক্ষেমা গুরিম, তারার্ পাপ্‌‌পানি আর কনদিনঅ মনত্ ন-রাগেম।”

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।