মীখা 5:8 - Chakma Bible

⁸ ভালোক্ জাদ ভিদিরে যাকোবর বাঁজি থেইয়্যে মানুচ্চুন অবাক্ ঝার্‌বো য়েমানুনো ভিদিরে সিংহ ধ‌‌োক্ক্যেন, ভেড়া পাল ভিদিরে বলা সিংহ ধোক্ক্যেন; সেই সিংহবো যেক্কে ভেড়াগুনোর সংমোধ্যেদি যায় সেক্কে তারারে ধুরিনে কট্টা কট্টা গুরি ছিড়ি ফেলায়; কনজনে তারারে উদ্ধোর্ গুরি ন-পারন।

মীখা 5:8 ပူးပေါင်းရင်းမြစ်များ

পত্থম 49:9

যিহূদা, তুই সিংহ ছঅ; শিগের্‌ গোজ্যে য়েরানি হানা থুম্ গুরিনে মর্‌ এ পুয়োবো উদি এজে; সিংহ আর সিংহী ধোক্ক্যেন গুরি তে বজে আর ঘুমোত্‌ পড়ে। কন্না তারে জাগেব?

গীতসংহিতা 104:20

তুই আন্ধারান্ আনিলে রেত্ অয়, ঝারর্ বেক য়েমানুনে সেক্কে ঘুরি ঘুরি বেড়ান্।

গীতসংহিতা 44:5

আমা শত্রুগুনোরে আমি তর্ বল্লোই পিজেন্দি ওদেবং; যিগুনে আমা বিরুদ্ধে উদিবাক্ তর্ জোরে তারারে টেঙোই মারিবোং।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গম্ উপদেজ্ 30:30

সিংহ, যিবে য়েমানুনো ভিদিরে বোলী আর কনঅ য়েমান মুজুঙোত্তুন্ ধেই ন-যায়;

যিশাইয় 5:29

পাড়ি সিংহ ধোক্ক্যেন্ তারার্ গুজুরোনিগান্; তারা দামাড়া সিংহ ধোক্ক্যেন্ গুজুরিবাক্ আর শিগের্ গুরিবার অক্তত্ গো গো রঅ গুরিবাক্। সে শিগেরুন্ তারা বুয়োই নেযেবাক্; তারা আঢত্তুন্ কনজনে সিগুন রোক্ক্যে গুরি ন-পারিবাক্।

যিহিষ্কেল 39:10

মাদত্তুন্ বা ঝার্-জংলত্তুন্ তারার্ আর দার্‌‌‌‌‌বো তুবো ন-পুরিবো, কিত্তে গাজ বদলে তারা আত্যের্ পড়িবাক্। তারা তারার্ লুদেয়্যে পযাপিরানি লুদেবাক্; তারার্ পযাপিরানি যিগুনে কাড়ি নেযেয়োন তারার্ পযাপিরানি তারা কাড়ি নিবাক্। মুই প্রভু লগেপ্রভু এ কধাগান কঙর্।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

মীখা 2:12

লগেপ্রভু কত্তে, “ও যাকোব, মুই ঘেচ্চেক্‌গুরি তমারে বেক্কুনোরে এগত্তর্ গুরিম; মুই হামাক্কায় ইস্রায়েলর বাঁজি থেইয়্যে মানুচ্চুনোরে এগত্তর্ গুরিম। বস্রার ভেড়াগুনো ধোক্ক্যেন গুরি, ভেড়া ঘরত্ থেইয়্যে ভেড়া পাল ধোক্ক্যেন গুরি মুই তারারে এগত্তর্ গুরিম; দেজ্‌‌‌‌‌চান আরঅ মান্‌জ্যে ভুরি যেবাক্‌‌‌‌।”

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

মীখা 4:7

মুই আঢুড়ুনোরে বাজেই রাগেম আর ধাবেই দিয়্যে মানুচ্চুনোরে গুরিম এক্কো দরমর জাদ্। মুই লগেপ্রভু সেদিন্যেত্তুন্ ধুরি উমরত্যে সিয়োন মুড়োবোত্ তারা উগুরে রাজাগিরি গুরিম।

মীখা 5:3

সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

সখরিয় 11:6

দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

সখরিয় 14:18

যুনি মিসরীয়গুনে ন-যান আর উবোসনাত্ ন-মিজেন্ সালে তারার্ দেজত্অ ঝড় ন-অবঅ। যিদুক্কুন জাদে চিগোন-ঘরর্ পরব পালেবাত্তে ন-যেবাক্ লগেপ্রভু তারা উগুরে যে ভানা আনিবো মিসরীয়গুনো উগুরে তে সেই একই ভানা আনিবো।

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

মথি লেখ্যে গম্ হবর্ 10:14

যুনি কনজনে তমারে গুজি ন-লয় বা তমা কধা ন-শুনোন্ সালে সেই ঘর বা আদামত্তুন্ যেবার সময়োত্ তমা টেঙর্ ধূল্যেগানি ঝাড়ি ফেল্ল্য।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।