মীখা 4:5 - Chakma Bible

⁵ বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

মীখা 4:5 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

২ রাজাবলী 17:29

তো পত্তি জাদ মানুচ্চুনে যে যেই আদামত আর শঅরত্‌ বজত্তি গুরিদাক্‌ সিদু নিজো নিজোর্‌ দেবেদা বানেলাক্‌ আর শমরিয়ার মানুচ্চুনে বানেইয়্যে পূজো অজল্‌ জাগায়ানিত্‌ নানান্‌ মন্দিরোত্‌ সিয়েনি রাগেলাক্‌।

২ রাজাবলী 17:34

এচ্ছে সং তারা সে সুদোমানি মানি চলদন্‌। তারা আজলে লগেপ্রভুরে তবনা ন-গরন্‌, কিত্তে লগেপ্রভু যে যাকোব নাঙান্‌ ইস্রায়েল রাগেয়্যে সে যাকোব পুয়োগুনো ইদু লগেপ্রভুর দিয়্যে সুদোম, হুকুম, আইন আর উগুমানি তারা মানি ন-চলন্‌।

গীতসংহিতা 20:6

ইক্কিনে মুই হবর্ পাং, লগেপ্রভু তার্ অভিষেগ্ গোজ্যে মানুচ্চুনোরে রোক্ষ্যে গরে; তার্ ডেন্ আত্তোই রোক্ষ্যে গুরিবার বলান্দোই তে পবিত্র স্বর্গত্তুন তার্ অভিষেগ্ গোজ্যে মান্‌‌‌জ্যর্ ডাগনিলোই ইজিরে দিবো।

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 71:16

ও প্রভু লগেপ্রভু, তর্ মহৎ কামর কধানি কবাত্তে মুই তঅ ঘরত্ সোমেম্; মুই তর্, বানা তঅ ধোক্ক্যেন্ ন্যায়র কাম কধানি কোম।

যিশাইয় 2:5

ও যাকোবর বংশধরুন্, এজঅ; আঢঅ, আমি লগেপ্রভুর পহ্‌রে আঢাউদো গুরিই।

যিশাইয় 26:13

ও লগেপ্রভু, আমা গোজেন্, তুই বাদে অন্য প্রভুগুনেয়ো আমা উগুরে সদ্দার্ ওইয়োন্, মাত্তর্ বানা তরে আমি স্বিগের্ গুরিই।

যিশাইয় 26:8

অয়, লগেপ্রভু, আমি তর্ ন্যায় পধেদি আঢিনে তত্তে বাজ্জেই আগিই; আমি চেই যেন তুই তঅ কামর্ মাধ্যমে ফগদং অ।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

সখরিয় 10:12

মর্ খেমতালোই মুই তারারে বোলী গুরিম আর মর্ আওজ্ মজিম তারা আদাউদো গুরিবাক্। মুই লগেপ্রভু এ কধাগান কঙর্।”

প্রেরিত্‌ 14:16

আগ দিনোত্ বেক্‌ জাদ্‌তুনোরে তে তারার্ আওজ্ মজিম চলিবাত্তে দিয়্যে,

দ্বি’লম্বর বিররণ 27:10

তুমি তার বাধ্য ওইনে চলিবা। এচ্চ্যে মুই যেদক্কানি উগুম আর সুদোম তমারে দুয়োঙর্‌ সিয়েনি তুমি পালেবা।”

কলসীয় 2:6

তুমি যেবাবোত্যেগুরি খ্রীষ্ট যীশুরে প্রভু ইজেবে মানি লোইয়ো ঠিগ সেবাবোত্যেগুরি তা সমারে মিজেইনে তমা জিংকানিগানি কাদঅ।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”