মীখা 4:12 - Chakma Bible

¹² মাত্তর্ তারা লগেপ্রভুর পরিকল্পনাগানর কধা হবর্ ন-পান; তারা বুঝি ন-পারন যে, তে শোজ্যবনা ধোক্ক্যেন্ খামারত্ মাড়িবাত্তে তারারে এগত্তর্ গোজ্যে।

মীখা 4:12 ပူးပေါင်းရင်းမြစ်များ

গীতসংহিতা 147:19

যাকোব ইদু তে তার্ কধানি ফগদাং গোজ্যে, ইস্রায়েল ইদু ফগদাং গোজ্যেদে তার সুদোম আর আইন-কানুনানি।

গীতসংহিতা 147:20

অন্য কনঅ জাদত্তে তে সিয়েনি ন-গরে; তার আইন-কানুনানি তারা হবর্ ন-পান। লগেপ্রভুরে নাঙ্ গিনে ওক্।

যিশাইয় 10:7

মাত্তর্ আসিরিয়ার উদ্দেশ্য সিয়েন নয়, তা পরিকল্পানাগান অন্য বাবোত্যে; তা উদ্দেশ্যগান্ ভস্ত গরানা আর ভালোক্ জাদরে শেজ্ গুরি দেনা।

যিশাইয় 21:10

ও মঅ মানুচ্চুন্, খেত-খেত্তি ধোক্ক্যেন্ তমারে দঅ মাড়া ওইয়্যে। বেগত্তুন্ খেমতাবলা লগেপ্রভু ইত্তুন্, ইস্রায়েলর গোজেন ইত্তুন্ মুই যিয়েনি শুন্ন্যং সিয়েনি তমারে জানেলুং।

যিশাইয় 29:7

সেক্কে বেক জাদত্তুন্ যে দলুনে অরীয়েল বিরুদ্ধে যুদ্ধো গত্তন্, অত্তাৎ যিগুনে তারে আর তা ঘরানিরে আক্রমণ গোজ্যে আর তারে দজাত্ ফেল্যন্ তারা অবাক্ স্ববন ধোক্ক্যেন্ আর রেদো অক্তত্ দর্শন ধোক্ক্যেন্।

যিশাইয় 55:8

লগেপ্রভু কত্তে, “মর্ চিদেচজ্জানি তর্ চিদেচজ্জা ধোক্ক্যেন নয়, মঅ পত্‌‍‌‌‍‍‍‍‍থান তমা পথ্‌তান ধোক্ক্যেন নয়। ‍

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

যিরমিয় 51:20

লগেপ্রভু কোইয়্যেদে, “ও বাবিল, তুই মর্ যুদ্ধোর্ মুগোড়্, মর্ যুদ্ধোর্ আত্যের্; তরে দিইনে মুই জাদ্‌‌‌‌‌‌‌‌‌‌‌তুনোরে চুরমার গুরিম, তরে দিইনে রেজ্যগানিরে ভস্ত গোজ্যং;

যিরমিয় 51:33

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, “বাবিল-ঝি শোজ্য মারিবার সময়োর হানা ধোক্ক্যেন ওইয়্যে; খেত্-খেত্তি কাবেদে ধোক্ক্যেন তারে কাবি ফেলেবার সময় যাদিমাদি এবঅ।”

যোয়েল 3:2

সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

লূকে লেখ্যে গম্ হবর্ 3:17

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে শোজ্যগানি গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”