মীখা 1:1 - Chakma Bible

¹ যিহূদার রাজা যোথম, আহস আর হিষ্কিয়র রাজাগিরির সময়োত্ মোরেষৎ আদামর মীখা ইধু শমরিয়া আর যিরূশালেম পৌইদ্যেনে লগেপ্রভুর কধানি দর্শনর মাধ্যমে ফগদাং অলঅ।

মীখা 1:1 ပူးပေါင်းရင်းမြစ်များ

২ রাজাবলী 15:32

রমলিয়োর পুয়ো ইস্রায়েলর রাজা পেকহর রাজাগিরির দ্বিবজরত্‌ যিহূদার রাজা উষিয়োর পুয়ো যোথমে রাজাগিরি গরানা আরাম্ভ গুরিলো।

২ রাজাবলী 15:5

পরেন্দি লগেপ্রভু রাজারে আঘাত্‌ গুরিলে পরেন্দি তে মরণ সং এক্কান্‌ ফারাঙি রুগে ভুগিলো। তে যুদো ঘরত্‌ বজত্তি গুরিদো। রাজার পুয়ো যোথমে রাজঘর মুরুব্বী অলঅ আর দেজ মানুচ্চুনোরে শাজন্ গরা ধুরিলো।

২ রাজাবলী 16:1

রমলিয়োর পুয়ো পেকহের রাজাগিরির সতর বজরত্‌ যিহূদার রাজা যোথমর পুয়ো আহসে রাজাগিরি গরানা আরাম্ভ গুরিলো।

২ রাজাবলী 18:1

এলার্ পুয়ো ইস্রায়েলর রাজা হোশেয়র রাজাগিরি তিন বজরত্‌ যিহূদার রাজা আহসর পুয়ো হিষ্কিয় রাজাগিরি গরানা আরাম্ভ গুরিলো।

২ বংশধর 28:1

আহসে কুড়ি বজর্‌ বয়সত্‌ রাজা ওইয়্যে আর যিরূশালেমত্‌ ষুলো বজর্‌ রাজাগিরি গোজ্যে। তার্‌ পূরোণি মানুচ্‌ দায়ূদে যেন্‌ লগেপ্রভুর চোগেন্দি যিয়েনি গম্‌ সিয়েনি গুরিদো তে সেধোক্ক্যেন ন-গুরিদো।

২ বংশধর 29:1

হিষ্কিয় পোজোশ্‌ বজর্‌ বয়জত্‌ রাজা ওইনে যিরূশালেমত্‌ ঊনত্রিশ বজর্‌ রাজাগিরি গোজ্যে। তা মাবো নাঙান্‌ এলদে অবিয়া; তে অলদে সখরিয়র ঝি।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 7:1

উষিয়র্ নাদিন্, অত্তাৎ যোথম পুয়ো আহসে যেক্কে যিহূদা দেজর্ রাজা অলঅ সেক্কে অরামর্ রাজা রৎসীন ইস্রায়েলর রাজা রমলিয়র পুয়ো পেকহকরে লগে নেযেইনে যিরূশালেম বিরুদ্ধে যুদ্ধো গুরিবাত্তে গেলঅ, মাত্তর্ তারা সিয়েন জিদি ন-পারিলাক্।

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

হোশেয় 1:1

যিহূদার রাজা উষিয়, যোথম, আহস আর হিষ্কিয়র রাজাগিরির্ সময়োত্ আর ইস্রায়েলর রাজা যোয়াশর পুয়ো যারবিয়ামর সময়োত্ বেরির পুয়ো হোশেয় ইধু লগেপ্রভুর কধানি ফগদাং অলঅ।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 8:14

ইস্রায়েলর মানুচ্চুনে নিজো গোজেনরে ভুলি যেইনে দাঙর্ দাঙর্ ঘর বানেয়োন; যিহূদার মানুচ্চুনে ভালোক্কানি শঅর্ দেবাল্লোই ঘিজ্যন্। মাত্তর্ মুই তারার্ শঅরানি উগুরে আগুন পাদেম্ যিয়েনে তারার্ বেক ঘরানিরে পুড়ি ফেলেব।”

আমোষ 1:1

তকোয়র গরগ্‌‌কুনো ভিদিরে আমোষে অলদে এক্কো। সেক্কে যিহূদার রাজা এলদে উষিয় আর ইস্রায়েলর রাজা এলদে যিহোয়াশর পুয়ো যারবিয়াম। ভূজোলর্ দ্বিবজর্ আগে ইস্রায়েল পৌইদ্যেনে গোজেন আমোষরে যিয়েনি দেগেয়্যে সিয়েনি তে কোইয়্যে।

আমোষ 6:1

অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

মীখা 1:5

যাকোব পাপত্তে, ইস্রায়েল বংশর অন্যেয়ত্তে ইয়েনি অবঅ। যাকোবর পাপত্তে দায়ী কন্না? শমরিয়া কি নয়? যিহূদার পূজোর্ অজল্ জাগানিত্তে দায়ী কন্না? যিরূশালেমানে কি নয়?

মীখা 3:9

ও যাকোবর বংশর নেতাগুন, ইস্রায়েলর বংশর শাজন্‌গুরিয়্যেগুন, শুনো। তুমি দঅ ন্যায়বিচের্ তুচ্ছো গোজ্য আর যিয়েন উজু সিয়েন বেক্কানি বেঙা গুরি তুল্য।

হবক্‌‌‌‌কূক 1:1

ভাববাদী হবক্‌‌‌কূক ইধু দর্শনর মাধ্যমে গোজেনর কধানি ফগদাং অলঅ।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।