মথি লেখ্যে গম্ হবর্ 9:6 - Chakma Bible

⁶ তুমি যেন কোই পারঅ এই পিত্‌‍থিমীত্ পাপ খেমা গুরিবার খেমতা মান্‌জ্য পুয়োবোর্ আঘে”-ইদ্দুর্ সং কোইনে তে সেই বেসৎ-পীড়েল্যেবোরে কলঅ, “উঠ্, তঅ বিচ্ছোনান্ তুলিনে ঘরত্ যাহ্।”

মথি লেখ্যে গম্ হবর্ 9:6 ပူးပေါင်းရင်းမြစ်များ

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

মথি লেখ্যে গম্ হবর্ 9:5

কুবোন্ কনা সহজ, ‘তঅ পাপ্‌পান খেমা গরা অলঅ,’ বা ‘তুই উদিনে আঢি বেড়া’?

মথি লেখ্যে গম্ হবর্ 9:7

সেক্কে তে উদিনে তা ঘরত্ গেলঅ।

মার্ক 2:10

মাত্তর্ তুমি যেন হবর্ পঅ পিত্‌‍থিমীত্ পাপ খেমা গুরিবার্ খেমতা মান্‌‌জ্য পুয়োবোর্ আঘে”-ইয়েন সং কোইনে তে সেই বেসৎ-পীড়েল্যেবোরে কলঅ,

মার্ক 2:7

“মানুচ্চো এবাবোত্যে কধা কর্ কিত্ত্যে? তে দঅ গোজেনরে অগমান্ গরের্। বানা এক্কো গোজেন বাদে কন্না পাপ খেমা গুরি পারে?”

লূকে লেখ্যে গম্ হবর্ 5:21

ইয়েন্দোই ধর্ম-মাষ্টর আর ফরীশীগুনে মনে মনে কুয়ো ধুরিলাক্, “এ মানুচ্চো কন্না, যে গোজেনরে অগমান্ গরের্? গোজেনে বাদে আর কন্না পাপ খেমা গুরি পারে?”

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

যোহন 5:8

যীশু তারে কলঅ, “উঠ্, তঅ পাদিবো তুলিনে আঢি বেড়া।”

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

২ করিন্হীয় 2:10

কনঅ পৌইদ্যেনে যুনি কারেয়ো তুমি ক্ষেমা গরঅ সালে মুইয়ো তারে ক্ষেমা গরং। আর ঘেচ্চ্যেক গুরি যুনি মুই কনঅ কিজু ক্ষেমা গুরি থাং সালে খ্রীষ্ট মুজুঙোত্ তমাত্যে সিয়েন গোজ্জ্যং,

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

কলসীয় 3:13

একজন আরেক জনরে সোজ্জ্য গরঅ আর যুনি কারঅ বিরুদ্ধে তমার কনঅ দুচ্‌ দিবার থায় সালে তারে ক্ষেমা গরঅ। প্রভু যেধোক্ক্যেন গুরি তমারে ক্ষেমা গোজ্জ্যে সেধোক্ক্যেন গুরি তুমিয়ো একজন আরেকজনরে খেমা গরানা উচিত।