মথি লেখ্যে গম্ হবর্ 9:36 - Chakma Bible

³⁶ মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

মথি লেখ্যে গম্ হবর্ 9:36 ပူးပေါင်းရင်းမြစ်များ

১ রাজাবলী 22:17

জোবত্‌ মীখায় কলদে, “মুই চেলুং, ইস্রায়েলীয়গুনে বেক্কুনে গরক্‌নেইয়্যে ভেড়া ধোক্ক্যেন্ মুড়োবো উগুরে ছিদি পোজ্যন্‌। সেনত্তে লগেপ্রভু কলঅ, ‘ইগুনোর্‌ কনঅ গিরোজ্‌ নেই, সেনত্তে তারা গমেডালে যে যার্‌ ঘরত্‌ যাদোক্‌।’”

২ বংশধর 18:16

জোবত্‌ মীখা কলঅ, “মুই দেগিলুং, ইস্রায়েলীয়গুনে বেক্কুনে গরক্‌নেইয়্যে য়েমান ধোক্ক্যেন মুড়োমুড়ি উগুরে ছিদি পোজ্যে। সেনত্তে লগেপ্রভু কলঅ, ‘ইগুনোর্‌ কনঅ গিরোজ্‌ নেই, সেনত্তে তারা সুগে-শান্দিয়্যে যে যার্‌ ঘরত্‌ যাদোক্‌।’ ”

যিশাইয় 13:14

শিগের্ গুরিবাত্তে লড়া হেইয়্যে উরিঙো ধোক্ক্যেন্, গরক্ বাদে ভেড়া ধোক্ক্যেন্ পত্তিজনে তার নিজো মানুচ্চুনো ইদু ফিরি যেবাক্, পত্তিজনে তার্ নিজো দেজত্ ধেই যেবাক্।

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

সখরিয় 11:16

দেজ উগুরে মুই এমন এক্কো গরগরে তুলিম যে দজাত্ পোজ্যে মানুচ্চুনোরে দেগাশুনো ন-গুরিবো, যিগুনে ছিদি পোজ্যন্ তারারে ন-তোগেব, যিগুনে আঘাত্ পেইয়োন তারারে গম্ ন-গুরিবো, পক্তামক্তাগুনোরে ন-খাবেব; মাত্তর্ তে বেঈ লোইয়্যে ভেড়াগুনোর য়েরানি হেবঅ আর তারার্ খুরত্তুন্‌অ য়েরানি ছিনি ছিনি হেবঅ।

মথি লেখ্যে গম্ হবর্ 10:6

বানা ইস্রায়েল জাদর্ আজি যেইয়্যে ভেড়াগুনো ইধু যেয়ো।

মথি লেখ্যে গম্ হবর্ 14:14

যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 15:24

জোবত্ যীশু কলঅ, “মরে বানা ইস্রায়েল-গুট্টির আরেয়্যে ভেড়াগুনো ইধু পাধা ওইয়্যে।”

মথি লেখ্যে গম্ হবর্ 15:32

ইয়েনর্ পরেদি যীশু তা শিচ্চ্যগুনোরে ডাগিনে কলঅ, “এ মানুচ্চুনোত্তে মর্ মেয়্যে লাগের্, কিয়া এচ্চ্যে তিন দিন অলঅ ইগুনে মঅ লগে লগে আগন্, আর ইগুনো ইধু কনঅ হানা নেই। এ অবস্থায় মুই ইগুনোরে বিদেয় দিবাত্তে ন-চাং; অয়ত বা তারা পদথ্ অজ্ঞান্ ওই পড়িবাক্।”

মার্ক 6:34

যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

মার্ক 8:2

“এ মানুচ্চুনোত্তে মর্ চিৎ পুরের্, কিয়া এইচ্চ্যে তিনদিন অলঅ ইগুনে মঅ লগে লগে আগন্, আর ইগুনো ইধু কনঅ হানা নেই।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 5:2

যিগুনে কোই ন-পারিনে পাপ গরন্ আর ভান্ন্যেই পধেদি যান্ তারা সমারে তে নরম বেবহার গুরি পারে, কিয়া তা ভিদিরেয়ো লবাদোচ্চ্যে আঘে।