মথি লেখ্যে গম্ হবর্ 9:26 - Chakma Bible

²⁶ এ ঘটনাগানর্ কধা সে চাগালাত্ বেক জাগাইধু ছিদি পড়িলো।

মথি লেখ্যে গম্ হবর্ 9:26 ပူးပေါင်းရင်းမြစ်များ

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 9:31

“চঅ, কনজনে যেন হবর্ ন-পান্।” মাত্তর্ তারা বারেদি যেইনে সেই চাগালার্ বেক্ জাগানিত্ তা হবরান ছিদি দিলাক্।

মার্ক 1:28

ইয়েন্দোই গালীল রেজ্যর্ বেক্‌ জাগানিত্ যীশুর কধা ছিদি পড়িলো।

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

মার্ক 6:14

যীশুর সুনাঙ্ চেরোকিত্তে ছিদি পড়িলো বিলিনে রাজা হেরোদে যীশুর কধা শুনিলো। কয়েক্কো মান্‌জ্যে কোইয়োন, “বাপ্তিস্মদিয়্যে যোহনে মরণত্তুন্ জেই ওই উঠ্যে, সেনত্যে আমক্ অবার্ কামানি গরের্।”

লূকে লেখ্যে গম্ হবর্ 4:14

পরেদি যীশু পবিত্র আত্মার্ খেমতালোই ভর্‌পূনোং ওইনে গালীল রেজ্যত্ ফিরি গেলঅ। যীশুর হবরান্ সে চাগালাত্ বেক্ জাগায়ানিত্ ছিদি পড়িলো ।

লূকে লেখ্যে গম্ হবর্ 4:37

সে চাগালাত্ বেক্কানিত্ যীশুর কধা ছিদি পড়িলো।

লূকে লেখ্যে গম্ হবর্ 5:15

তুয়ো যীশুর হবর্ আরঅ ছিদি পল্ল। তা কধাগান শুনিবাত্তে আর পীড়েত্তুন্ গম্ অবাত্তে বোউত্ মানুচ্ তাইদু এজা ধুরিলাক্।

লূকে লেখ্যে গম্ হবর্ 7:17

যীশু পৌইদ্যেনে এ কধাগান্ যিহূদিয়া রেজ্যত্ আর সিয়েনর্ চেরোকিত্তে বেক্ জাগানিত্ ছিদি পল্ল।

প্রেরিত্‌ 26:26

রাজা দঅ ইয়েনি বেক্কানি হবর্ পায় আর মুই তা সমারে বেক্‌ কধানি খুলোমেলা গুরি কোই পারং। আর এ কধাগান্ মুই ঘেচ্চেকগুরি হবর্ পাং যে, ইয়েনির্ কিচ্চু তার্ অজানা নয়, কারন এ বেক্‌ ঘটনাগানি দঅ ঘুমুরোত্ ন-ঘদে।