মথি লেখ্যে গম্ হবর্ 9:20 - Chakma Bible

²⁰ সে সময়োত্ এক্কো মিলে পিজেন্দিত্তুন্ যীশু ইধু এইনে তা আঢ্ কাবড়র কণাবো ধুরিলো। মিলেবো বার বজর্ ধুরিনে মিলে পীড়েত্ ভুগের্।

মথি লেখ্যে গম্ হবর্ 9:20 ပူးပေါင်းရင်းမြစ်များ

মথি লেখ্যে গম্ হবর্ 14:36

সেক্কে মানুচ্চুনে পীড়েল্যেগুনোরে যীশু ইধু আনিলাক্ আর তারে কোজোলী গুরিলাক্ যেন সেই পীড়েল্যেগুনে তা কাবড়র কণাবো বানা ধুরি পারন্; আর যিগুনে তারে ধুরিদাক্ তারা গম্ অদাক্।

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

মথি লেখ্যে গম্ হবর্ 9:19

সেক্কে যীশু আহ্ তা শিচ্চ্যগুনে উদিনে তা সমারে গেলাক্।

মার্ক 6:56

শঅরত্, আদামত্ বা পাড়াত্, যিয়েনত্ তে যেদঅ সিদুগো মানুচ্চুনে পীড়েল্যেগুনোরে আনিনে বাজার সংমোধ্যে থুবেদাক্। তারা যীশুরে কোজোলী গুরিদাক্ যেন পীড়েল্যেগুনে তা কাবড়র কণাবো বানা ধুরি পারন্, আর যিগুনে তারে ধুরিদাক্ তারা গম্ অদাক্।

মার্ক 8:22

পরেদি যীশু আর তা শিচ্চ্যগুনে বৈৎসৈদা আদামত্ গেলাক্। সিদুগো মানুচ্চুনে এক্কো কান্ মান্‌জ্যরে যীশু ইধু আনিলাক্ আর মানুচ্চো কিয়্যেত্ আঢ্‌‌তানি রাগেবাত্তে যীশুরে কোজোলী গরা ধুরিলাক্।

প্রেরিত্‌ 19:12

তার্ বেবহার গোজ্জ্যে গাম্‌‌ছা আর কিয়্যের্ কাবড়ান্ পিড়েল্ল্যেগুনো ইধু নেযেলে পরেদি তারার্ পিড়েগানি গম্ ওই যেদঅ আর ভান্ন্যেই আত্মাগুনেয়ো ছাড়ি যেদাক্।

প্রেরিত্‌ 5:15

প্রচারক্কুনে যিয়েনি গোজ্যন্ সিয়েনি দেগিনে মানুচ্চুনে খাদ উগুরে আর পাদি উগুরে গুরিনে পিড়েল্ল্যেগুনোরে আনিনে পধে পধে থুয়ো ধুরিলাক্, যেন পধেদি যেবার অক্তত্ পিতর ছাবাগান্ অলেয়ো তারা কারঅ কারঅ উগুরে পড়ে।

দ্বি’লম্বর বিররণ 22:12

তমার আলোয়ান্‌ কাবরর চের্‌ কোনাত্‌ গিরে বানিবা।