মথি লেখ্যে গম্ হবর্ 9:15 - Chakma Bible

¹⁵ যীশু তারারে কলঅ, জামেই সমারে থাগদে কি জামেইঅ সমারে মানুচ্চুনে দুঘো কধা কোই পারন্? মাত্তর্ সময় এজের্ যেক্কে জামেইয়রে তারা কায়-কুরেত্তুন্ নেযা অবঅ। সে সময়ত্ তারা উবোস্ থেবাক্।

মথি লেখ্যে গম্ হবর্ 9:15 ပူးပေါင်းရင်းမြစ်များ

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

মথি লেখ্যে গম্ হবর্ 9:14

পরেদি বাপ্তিস্মদিয়্যে যোহন শিচ্চ্যগুনে যীশু ইধু এইনে কলাক্, “আমি আর ফরীশীগুনে এদক্ উবোস্ থেই, মাত্তর্ তঅ শিচ্চ্যগুনে উবোস্ ন-থান্ কিত্তে?”

মথি লেখ্যে গম্ হবর্ 9:16

কনজনে পুরোন্ সিলুমোত্ নুয়ো কাবড়্ জড়া ন-দুয়োন, কিয়া যেরেদি পুরোণ কাবড়ানত্তুন্ নুয়ো তালিগান্ ছিনি এজে আর সেক্কে সেই ফাদাগান্ আরঅ দাঙর্ অয়।

মার্ক 2:19

যীশু তারারে কলঅ, জামেই সমারে থাগদে কি জামেয় সমারে মানুচ্চুনে উবোস্ থেই পারন্? যেদক্‌‌দিন জামেবো সমারে থায় সেদক্‌‌দিন তারা উবোস্ থেই ন-পারন্।

মার্ক 2:20

মাত্তর্ সময় এজের্ যেক্কে তারাত্তুন্ জামেয়রে কারি নেযা অবঅ, আর সেই অক্তত্ তারা উবোস্ থেবাক্।

লূকে লেখ্যে গম্ হবর্ 17:22

ইয়েন পরেদি তে তা শিচ্চ্যগুনোরে কলঅ, এমন্‌ দিন এজের্ যেক্কে তুমি চেবা যেন মান্‌জ্যপুয়োবোর্ সময়োত্ এক্কো দিন তুমি দেগিবা, মাত্তর্ সিবে তুমি ন-দেগিবা।

লূকে লেখ্যে গম্ হবর্ 5:34

যীশু তারারে কলঅ, “জামেই সমারে থাগদে কি জামেয় সমারে মানুচ্চুনোর্ উবোস্ থা পরে?

লূকে লেখ্যে গম্ হবর্ 5:35

মাত্তর্ এমন সময় এবঅ যেক্কে তারাত্তুন্ জামেয়রে নেযা অবঅ, আর সেই অক্তত্ তারা উবোস্ থেবাক্।”

যোহন 16:6

মুই তমারে ইয়েনি কোইয়োং কিনেই বরং তমা মনানি দুঘে ভুরি যেইয়্যে।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।